Plovdiv
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Plovdiv (en búlgaru Пловдив) ye la segunda ciudá más grande de Bulgaria, con una población (2017) de 345.213 habitantes na ciudá y 675.000 nel so área metropolitana. Ye un importante centru económicu, de tresportes, cultural y educativu. Ye una de les ciudaes más vieyes d'Europa, fundada va 6.000 años polos tracios baxo'l nome d'Eumolpia. La ciudá foi conocida demientres sieglos n'Europa occidental pol nome Philippopolis (en griegu Φιλιππούπολις y en turcu Filibe, "la ciudá de Filipu"), de magar Filipu II de Macedonia la conquistara nel sieglu IV e.C. La ciudá, orixinalmente un asentamientu traciu, foi invadida dempués por persas, griegos, celtas, romanos, godos, húngaros, búlgaros, eslavos, rusos, cruzados y turcos. El 4 de xineru de 1878 l'exércitu rusu lliberó la ciudá del dominiu otormanu. Hasta xunetu d'esi añu perteneció a Bulgaria, pero nesi momentu convirtióse na capital de la rexón autónoma de Rumelia oriental, dientro del Imperiu otomanu. En 1885 la Rumelia, y con ella Plovdiv, integrose en Bulgaria.
Plovdiv asitiase nuna rexón perfértil de la Bulgaria centru-meridional, nes dos orielles del ríu Maritsa. La ciudá tien desarrollaose históricamente sobre siete llombes de sienita, dalgunes d'hasta 250 m d'altor, que-y dan a la ciudá'l nomatu col que ye conocida nel país (La ciudá de les siete llombes). La ciudá conserva bien de ruines de la dómina del Imperiu romanu: un teatru ,un anfiteatru, un odeón, un estadiu... y ye la sede de bien d'actividaes culturales a lo llargo del añu. La ciudá ha ser Capital Europea de la Cultura en 2019.
ReferenciesEditar
Enllaces esternosEditar
Wikimedia Commons acueye conteníu multimedia sobre Plovdiv 
.
