Polu d'inaccesibilidá del Pacíficu

El polu d'inaccesibilidá del Pacíficu ye'l llugar del océanu más alloñáu de cualquier tierra firme y atópase nel sur del océanu Pacíficu, a 2.688 quilómetros de L'Antártida y delles pequeñes islles oceániques. El fondu del océanu asitiáu en dichu puntu atópase a unos 3.700 m de fondura.

Llocalización del polu d'inaccesibilidá del Pacíficu, Puntu Nemo

Ye tamién conocíu como puntu Nemo y coincide col llugar más alloñáu de la llinia de mariña, yá que supera en distancia al polu d'inaccesibilidá d'Eurasia. Nesta definición utiliza la distancia sobre la superficie d'un elipsoide terrestre de referencia y contabilízase cualquier islla permanentemente remanecida.

Xeografía

Esti puntu ta alcontráu nel océanu Pacíficu Sur (48°52.6′S 123°23.6′W). Les tierres remanecíes más cercanes, alcontraes a 2.688 km, son:

• al norte, la Islla Ducie, perteneciente a les islles Pitcairn;
• al nordeste, Motu Nui, un castru perteneciente al archipiélagu de la islla de Pascua;
• al sur, la islla Maher, frente a la islla Siple y de la tierra Marie Byrd, en L'Antártida;
• al oeste, la islla Chatham;
• al este, el Archipiélago Campana al sur de Chile.

Intereses

• Sabiendo que la Estación Espacial Internacional ta n'órbita ente 330 y 410 km sobre la superficie de la Tierra (distancia significativamente menor que la del puntu Nemo y la primer tierra habitada), y que poques rutes marítimes pasen per esta zona del Pacíficu, los humanos que pasen lo más cerca del polu d'inaccesibilidá ye probable que sían los astronautes en misión na ISS.

• El bloop, nome dau a un soníu ultra-baxa frecuencia detectáu pola NOAA estauxunidense en delles ocasiones mientres el branu de 1997, y que la so fonte sigue siendo desconocida, tien el so orixe na rexón del puntu Nemo.

• Na lliteratura, el puntu Nemo ta relativamente cerca de la ciudá ficticia de R'lyeh imaxinada por H. P. Lovecraft. Na so novela La llamada de Cthulhu, Lovecraft asitia R'lyeh nes 47°09′S 126°43′W.

• Na fase 3 de Gorillaz creóse un llugar nesti puntu, Plastic Beach, que foi la casa del grupu virtual mientres esta fase.

Ver tamién

• Polu d'inaccesibilidá

Enllaces esternos

• Point Nemo in Geocuriosa
• llugar-mas-aislláu-de-la.html?showComment=1356170666725 Puntu Nemo el llugar más aislláu de la Tierra

• Datos: Q7886194
• Multimedia: Point Nemo