Abrir el menú principal

Ponencia d'Empobinamientu Políticu

Nel III Congresu Nacional del Partíu Asturianista, en 1998 respeutivamente, apruébase un documentu ideolóxicu col nome de Ponencia d'Empobinamientu Políticu.


Esti documentu afita la definición estatutaria del PAS como partíu políticu asturianista, inteclásista y de progresu. Y diz el testu que´l Partíu Asturianista tien Asturies como l´ámbitu fundamental de la so actividá política porque (pal PAS, na so consideranza) Asturies ye´l suxetu propiu de la hestoria, quier dicir, que´l oxetivu fundamental y sida de la so mesma esistencia ye la Nación Asturiana. L´oxetivu perfonderu del PAS muévese na rodiada de la identidá nacional, el suxetu de la hestoria nun sedría pal PAS otru que la Nación Asturiana, como identidá hestórica, y el pueblu asturianu, como perspeutiva sincrónica, suxetu anterior y cimeru, al mesmu tiempu, de mena estremada, a otros suxetos hestóricos colos qu´Asturies pue tener enxertamientu más o menos fondu.

Amás tamién fala nesti documentu de la democracia, según esti testu pal PAS la democracia y el respetu a la llibertá tien de ser una premisa fundamental de l´aición política, de cualesquier aición política, pero más nacionaliega. Esto quier dicir, que comparten los valores fonderos siempre colos demócrates, y enxamás colos que nun lo son, anque digan ser nacionaliegos.


Esti testu vien falar de "los 8 grandes oxetivos de l´aición política" asturianista que sedríen:

1.- Camudamientu l´Estatutu Autonomía

2.- Puesta en marcha d´una radio y una televisión asturianes que, a la vegada, sirvan d´autorrepresentación colleutiva y d´obletu de la socialización de les señes d´identidá.

3.- Defensa de toles señes d´identidá d´Asturies.

4.- Gueta de la hexemonía social del discursu nacionaliegu.

5.- Construcción de la mayoría política pol PAS.

6.- Algamación de representación política direuta en Madrid, a fin de qu´Asturies y los asturianos tean representaos en Madrid.

7.- Modernización de la economía.

8.- Defensa l´estáu´l bienestar.


Testu en Wikisource.