Ponte romana de Cangues d'Onís
La ponte romana de Cangues d'Onís o puentón[2] ye una construcción asitiada sobro'l ríu Sella al so pasu per Cangues d'Onís, y que dixebra los conceyos de Cangues d'Onís y de Parres, perteneciendo, poro, la metá a cada conceyu. La so figura ta acomuñada al pueblu de Cangues d'Onís.[3]
| Ponte romana de Cangues d'Onís | |
|---|---|
| Bien d'Interés Cultural | |
puente en arco (es)  y monumentu | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Cangues d'Onís |
| Coordenaes | 43°21′N 5°08′W / 43.35°N 5.13°O |
  Ponte romana de Cangues d'Onís Ponte romana de Cangues d'Onís (Asturies) | |
| Materiales | piedra |
| Crucia | ríu Seya |
| Númberu d'arcos | 3 |
| Patrimoniu | |
| BIC | RI-51-0000800[1] |
 | |
El Puentón ye ún de los símbolos d'Asturies. Forma parte del escudu de Cangues d'Onís, xunto a la cruz sobro la media lluna invertida que recuerda la victoria sobro los musulmanes na batalla de Cuadonga y la lleenda Minima urbium, maxima sedium (mínima urbe, máxima see).[2]
En 1931 foi declaráu Monumentu Históricu Artísticu. Na so redoma suelen dir pescar salmones numberosos riberanos de la zona del ríu Sella.
Historia
editarAnque ye conocíu como la ponte romana, ye construcción medieval de tiempos del reináu d'Alfonso XI de Castiella col so famosu arcu peraltado y otros dos arcos menores que son desiguales. La ponte, que s'asitia na calzada romana que xunía les localidaes de Lucus Asturum (l'actual Lugo de Llanera) y Portus Victoriae (l'actual Santander), foi construyíu sobro otru anterior que pudiera tener orixe romanu.
La ponte orixinal constaba de siete arcos y foi restauráu y reparáu n'ensame d'ocasiones a lo llargo de la so esistencia. En 1876 foi oxetu d'un arreglu en fondura que ta marcada por una llábana nel puntu central del mesmu. Tamién se restauró nos años 1940 y 1943. Dexó d'emprestar serviciu carretil cola construcción d'una nueva ponte a finales del sieglu XIX. Nos trabayos de restauración topáronse pieces de los arcos medievales usaes como rellenu. En 1939 asitiose nel centru del so gran arcu central una gran Cruz de la Victoria, símbolu d'Asturies, coincidiendo col regresu de la imaxe de la virxe de Cuadonga dende París tres la Guerra Civil.
Referencies
editar- ↑ «base de datos de monumentos de Wiki Loves Monuments» (13 payares 2017).
- ↑ 2,0 2,1 Rutas con historia. «Puente romano de Cangas de Onís».
- ↑ Martin, Javier (2011). «Puentes». Historia de Iberia Vieja (61): páxs. 10-11.
Enllaces esternos
editar
Wikimedia Commons acueye conteníu multimedia sobre Ponte romana de Cangues d'Onís.
Datos: Q9064489- Multimedia: Roman bridge, Cangas de Onís
