Pote asturianu
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El pote asturianu, tamién llamáu potaxe de berces, ye xunto cola fabada, la fariña de maíz y les castañes, un platu típicu tradicional que formaba parte de la alimentación básica de los asturianos. Anguaño, comercialízase en lates de conserva.
| Pote asturianu | ||
|---|---|---|
 | ||
| Nome | Pote asturianu | |
| Detalles | ||
| Más información | ||
| [editar datos en Wikidata] | ||
Receta del pote
editarFaimos falta:
200 gramos de fabes
unes fueyes de berza
¾ pataques
2 morcielles y 2 chorizos tienros
250 gramos de tocín
250 gramos de llacón
aceite, agua y sal
Faise asina:
Échense les fabes a remoyar y el llacón y el tocín a desalar la nueche anterior. Cocemos enantes les berces cortaes en xuliana, escurrímosles y dexámosles enfriar. Nuna pota afayadiza a la cantidá pónense les fabes , el llacón, el tocín, les morcielles, los chorizos y un chorrín d'aceite. Cúbrese d'agua y ponse al fueu, espumándolo en cuantes entame a ferver. Déxense cocer seliquino al rodiu 3 hores poniendo procuru en que tean siempre cubiertes d'agua pa que nun espelleyen. Al rodiu les 2 hores amestamos les pataques pelaes y cortaes en cachinos y les berces. Cuando tán cocíes échase’l sal y dáse-yos un fervor pa que lo garren. Sírvense col compangu cortao en cachinos.
Otres variantes
editarEsti platu tan espardíu per toa Asturies almite munches variantes. En delles zones, el pote asturianu faise col rabal del gochu, costiella, chorizu y morciella. Tamién pue amestase morru o oreya. Esiste otru pote qu´en llugar de llevar fabes faise con castañes (pote de castañes o tamién Pote quirosán), pataques, chorizu, morciella y tocín. Esti pote nun lleva berces.
Referencies
editarEnllaces esternos
editar
Wikimedia Commons tien conteníu multimedia tocante a Pote asturianu.
Datos: Q959721
