Presidente de Corea del Norte

El cargu de presidente de la República Popular Democrática de Corea (Corea del Norte) establezse na Constitución de Corea del Norte en 1972. Hasta entós Kim Il-sung, gobernante de Corea del Norte, fuera'l primer ministru y secretariu xeneral del Partíu del Trabayu de Corea. En 1972 creóse la presidencia y Kim Il-sung elixóse al mandu pola Asamblea Popular Suprema. Kim foi presidente hasta 1994, añu nel que morrió ensin dexar una socesión formal.

En 1998, una enmienda a la constitución abolió la presidencia y afitó'l títulu honoríficu de Presidente Eternu de la República dada a Kim Il-sung.

Anguaño, nun hai nengún presidente de la República Democrática de Corea, una y bones esi cargu foi abolíu na constitución vixente y los poderes inherentes al mesmu estremaos ente trés funciones actuales:

El presidente del Partíu de los Trabayadores de Corea, cargu anguaño ocupáu por Kim Jong-un.
El presidente de l'Asamblea Suprema del Pueblu, cargu ocupáu por Choe Ryong-hae.
El presidente de la Comisión Nacional de Defensa, tamién ocupáu por Kim Jong-un.

La constitución vixente estrema, de manera formal, el poder de la presidencia ente estos trés cargos, con Kim Jong-Un como gobernante de facto (Col títulu de Líder Supremu de Norcorea).

Ver tamién

Presidente Eternu de la República

Referencies

Enllaces esternos

Wikimedia Commons tien conteníu multimedia tocante a Presidente de Corea del Norte.