Presidente de Yugoslavia
El Presidente de la República Federal Socialista de Yugoslavia, o'l Presidente de la República na so forma curtia, foi'l cargu qu'ocupó la xefatura del estáu d'esti país dende'l 14 de xineru 1953 hasta'l 4 de mayu de 1980. Josip Broz Tito foi la única persona n'ocupar dichu cargu. Broz yera tamién coles mesmes Presidente de la Presidencia de la Lliga de Comunistes de Yugoslavia. Tito foi declaráu presidente pa tola vida y cola so muerte en 1980 el puestu foi abolíu y sustituyíu pol de Presidente de la Presidencia de Yugoslavia, un órganu coleutivu.
| Presidente de Yugoslavia | |
|---|---|
| cargu | |
| presidente y xefe d'Estáu | |
| Xurisdicción | República Federativa Socialista de Yugoslavia |
| Estáu | Xunión Soviética y República Federativa Socialista de Yugoslavia |
| Creación | 14 xineru 1953 |
| Disolución | 4 mayu 1980 |
| Llista |
lista de jefes de Estado de Yugoslavia (es)  |
 | |
La Constitución de 1946 definió'l primer gobiernu de Yugoslavia, al frente taba un presidente (xeneralmente conocíu como primer ministru) como l'autoridá alministrativa más alta nel país.[1] Tito sirvió como Primer ministru mientres el periodu enteru hasta l'adopción de la nueva llei constitucional en 1953. Esta llei proclamó al país como una república socialista y suprimió toles referencies anteriores a un gobiernu, ministerios, etc.[2] Creóse'l cargu de Presidente de la República y el Conseyu Executivu Federal (CEF) p'asuntos de gobiernu. El Presidente sirvía como xefe d'estáu y tamién como presidente del CEF, un cuerpu de 30-40 miembros dalgunos de los cualos seríen escoyíos pa ser secretarios federales.[2] Broz foi nomáu Presidente'l 14 de xineru de 1953 y foi darréu reelixó'l 29 de xineru de 1954 y 19 abril de 1958.
La Constitución de 1963 dio Broz un númberu ilimitáu de mandatos.[3] Tamién definía'l nuevu cargu de Presidente del Conseyu Executivu Federal, el cuál dirixiría esta institución. Tito caltenía amplios poderes: nomaba al Conseyu Executivu Federal, yera Xefe del Estáu y comandante en xefe de les fuercies armaes, y coles mesmes yera'l secretariu xeneral del partíu comunista. Va Ser reelixíu pola Asamblea Federal so esti sistema otra vegada en 1963 y 1968.
Coles enmiendes constitucionales de 1971 creóse una presidencia coleutiva nueva que constaba de representantes de les repúbliques que formen Yugoslavia, controlada pol Presidente de la República.[4] La Constitución de 1974 dio al entós vieyu presidente (de 82 años) un nuevu mandatu ilimitáu, faciéndo-y presidente pa tola vida.[5] Finalmente, cola muerte de Tito'l 4 de mayu de 1980 abolióse'l cargu de Presidente de la República en favor de la presidencia coleutiva qu'inauguró Lazar Koliševski.
Llista de Presidentes de la República Federal Socialista de Yugoslavia
editar| Presidente | Entamu | Fin | Partíu | |||
|---|---|---|---|---|---|---|
| República Federativa Socialista de Yugoslavia (1945-1992) | ||||||
|
Josip Broz Tito (1892-1980) |
14 de xineru de 1953 | 4 de mayu de 1980 | Lliga de Comunistes de Yugoslavia | ||
Ver tamién
editarReferencies
editar- ↑ Službeni list Federativne Narodne Republike Jugoslavije. 1 de febreru de 1946.
- ↑ 2,0 2,1 Službeni list Federativne Narodne Republike Jugoslavije. 14 de xineru de 1953.
- ↑ Službeni list Socijalističke Federativne Republike Jugoslavije. 10 d'abril de 1963.
- ↑ Službeni list Socijalističke Federativne Republike Jugoslavije. 8 de xunetu de 1971.
- ↑ Službeni list Socijalističke Federativne Republike Jugoslavije. 21 de febreru de 1974.
Enllaces esternos
editar
Datos: Q24944203
Multimedia: Presidents of the Federal Republic of Yugoslavia
