Programa Vostok
Vostok (rusu: Восток, «Este») foi un programa espacial soviéticu de seyes misiones ente abril de 1961 y xunu de 1963 que punxeron a seis cosmonautes n'órbita alredor de la Tierra. La primera foi la que llevó'l primer ser humanu al espaciu, el cosmonauta Yuri Gagarin. La nave espacial de les Vostok taben formaes por una cabina esférica d'una persona, con una masa de 2,46 tonelaes, y diámetru de 2,3 metros y un módulu cónicu pal 'equipamientu, la cabina tripulada y comandada pol tripulante ye llamada charik (canica en rusu). La cabina foi montada enriba d'un módulu de preseos que contenía'l sistema del motor.
| Programa Vostok | |
|---|---|
human spaceflight program (en)  y programa espacial de la Xunión Soviética | |
| Acontecimientos significativos |
primer vuelu (12 abril 1961) últimu vuelu (16 xunu 1963) |
| Tripulación | 1 |
 | |
El primer prototipu non tripuláu de la Vostok llanzóse'l 15 de mayu de 1960.
Para validar los sistemes de la nave, en preparación pal primer vuelu d'un ser humanu al espaciu, realizáronse misiones con perros como tripulantes ente xunetu de 1960 y marzu de 1961, ente ellos los vuelos esitosos de Belka y Strelka, Chernushka y Zviózdochka, y la esitosa recuperación de Kometa y Shutka tres el fallu del cohete portador dempués del llanzamientu.
El módulu de la Vostok foi modificáu más alantre pal programa Vosjod, y pa otros programes ensin tripular.
Vehículos del programa
editarUna serie de prototipos, incluyendo polo menos cinco con animales y dalgunu con moñecu, fueron usaos p'aclimatar les naves pal ser humanu.
| Vehículu | Nave | Llanzamientu | Observaciones |
|---|---|---|---|
| Sputnik 4 (Korabl-Spútnik 1) | 1 | 15-05-1960 | Ésitu |
| ¿? | 1K-1 | 28-07-1960 | Llanzamientu fallíu. Lleva a bordu los perros Lisichka y Chayka. |
| Sputnik 5 (Korabl-Spútnik 2) | 1K-2 | 19-08-1960 | Ésitu. Lleva a bordu los perros Belka y Strelka. |
| Sputnik 6 (Korabl-Spútnik 3) | 1K-3 | 01-12-1960 | Fallu parcial. Lleva a bordu los perros Pchyolka y Mushka. |
| ¿? | 1K-4 | 22-12-1960 | Llanzamientu fallíu. Lleva a bordu los perros Kometa y Shutka. |
| Sputnik 9 (Korabl-Spútnik 4) | 3KA-1 | 09-03-1961 | Ésitu. Lleva a bordu el perru Chernushka. |
| Sputnik 10 (Korabl-Spútnik 5) | 3KA-2 | 25-03-1961 | Ésitu. Lleva a bordu el perru Zviózdochka. |
| Vostok 1 | 12-04-1961 | Yuri A. Gagarin. Primer vuelu orbital humanu de 89 minutos. | |
| Vostok 2 | 06-08-1961 | Guerman Titov. Superó les 24 hores n'órbita. | |
| Vostok 3 | 11-08-1962 | Andrián Nikoláyev. Primer misión en grupu y primer tresmisión dende una cápsula espacial. | |
| Vostok 4 | 12-08-1962 | Pável Popóvich. | |
| Vostok 5 | 14-06-1963 | Valeri Bykovski. Récor de permanencia (5 díes). | |
| Vostok 6 | 16-06-1963 | Valentina Tereshkova. Primer muyer nel espaciu. |
Lisichka y Chayka ye'l nome de les dos perrines que morrieron na misión Korabl-Sputnik -la primera Vostok 1K- del 28 de xunetu de 1960; 19 segundos dempués del llanzamientu, el cohete 8K72 sufrió una quema nuna de les cámares de combustión del bloque G de la primera etapa. Como resultancia, el llanzador perdió l'aldu y se desintegró 28,5 segundos dempués del despegue, causando la muerte de los dos animales. Hasta'l mesmu inxenieru xefe Serguéi Koroliov amosóse afaráu pola #perda. Antes del llanzamientu, yera habitual ver a Korolyov xugando con Lisichka nel cosmódromu. La destrucción d'esta cápsula obligó a la introducción del asientu eyectable como sistema d'escape mientres el llanzamientu.
El primer ser humanu nel espaciu
editar
El 12 d'abril de 1961 Yuri Gagarin convirtióse nel primer ser humanu en viaxar al espaciu. Gagarin viaxó na nave Vostok 1, que dio una vuelta a la Tierra nuna misión que duró apenes 108 minutos.
El cosmonauta taba suxetu a un asientu eyectable, por mediu del cual saldría del módulu depués del reingresu, a una altitú aproximada de 7 quilómetros.
Los científicos nun conocíen con certidume los efeutos de la ingravidez, y la nave tuvo siempres so control terrestre. Sicasí, Gagarin nun sufrió nengún efeutu perxudicial, y espulsóse unos 20 minutos antes del aterrizaxe, fechu que se caltuvo escondío dalgún tiempu, en parte porque delles marques internacionales riquíen que'l pilotu tocara tierra xunto cola so nave.
La primer muyer nel espaciu
editarEl 16 de xunu de 1963 la última cosmonave tripulada de la serie Vostok, la Vostok 6, desapegó llevando consigo la primera cosmonauta del mundu, Valentina Tereshkova. Esti yera un vuelu conxuntu cola nave Vostok 5, pilotada por Valeri Bikovski. Mientres esta misión realizaron investigaciones médicu-biolóxiques, validáronse y analizaronse asuntos relativos al desenvolvimientu de los sistemes de les naves. Tamién foi mientres esta misión que'l problema de l'alimentación de les cosmonautes resolvióse satisfactoriamente.
Satélites derivaos de la Vostok
editarMagar la cosmonave Vostok dexó d'usase'n vuelos tripulaos pa dar pasu a los tipos Vosjod y Soyuz, más sofisticaos y con mayores capacidaes, l'atélite diseñu de la Vostok utilizóse como base pa dellos modelos de satélites artificiales, dalgunos de los cualos inda tán en serviciu, como los satélites de reconocencia del tipu Fotón, usaos dende 1985, el postreru de los cualos desapegó'l 18 de xunetu de 2014 dende'l cosmódromu de Baikonur.
Referencies
editarEnllaces esternos
editar- Sumariu de los primeros proyeutos de misiones espaciales tripulaes, incluyendo los programes Vostok y Vosjod; n'inglés.
Datos: Q623873
Multimedia: Vostok program
