Proverbiu xaponés

Un proverbiu xaponés (諺, ことわざ, kotowaza^?) puede presentase en forma de:

un dichu (言い習わし iinarawashi),
una frase idiomática (慣用句 kan'yōku), o
una espresión formada por cuatro calteres (四字熟語 yojijukugo).

Anque «proverbiu» y «dichu» signifiquen práuticamente lo mesmo, nun puede dicise lo mesmo de frase idiomática» o de «espresión de cuatro carácter». Non tolos kan'yōku y yojijukugo son proverbios. Por casu, el kan'yōku 狐の嫁入り kitsune no yomeiri (lliteralmente, «boda d'un foín», significáu: «agua con sol») y el yojijukugo 小春日和 koharubiyori (lliteralmente, «tiempu de primaverilla», significáu: branín de San Martín, tiempu templáu a finales de seronda) non son proverbios. Pa ser un proverbiu, una frase o pallabra tien d'espresar un saber popular. Nun puede ser un pixín sustantivu.

Uso editar

Los proverbios son bien populares na sociedá xaponesa y úsense de cutiu na vida diaria. Frecuentemente nun se cita'l proverbiu completu, sinón namái la primer parte pa embrivir, por casu, puede dicise «I no naka no kawazu» (井の中の蛙, Una xaronca nun pozu^?) en referencia al proverbiu «I no naka no kawazu, taikai o shirazu» (井の中の蛙、大海を知らず, Una xaronca nun pozu nun puede conocer los mares^?).

L'empléu frecuente de proverbios dexa que l'idioma sía más compactu, axilosu y senciellu. Pueden vese exemplos nel manga y l'animación xaponesa, según nos noticiarios, programes culturales y n'obres de ficción.

Orixe editar

Como la cultura tradicional xaponesa taba apegada a l'agricultura, munchos proverbios reflexen costumes y práutiques rellacionaes cola agricultura. Tamién los hai que faen referencia al go (por casu, «fuseki o utsu» 布石を打つ) y al budismu, y munches espresiones de cuatro carácter provienen de la filosofía china escrita en chinu clásicusobremanera, de les Analectas de Confucio. 井の中の蛙 (Una xaronca nun pozu) provién del chinu clásicu, de Zhuangzi.

Exemplos de proverbios xaponeses editar

Dichos editar

Xaponés	Treslliteración	Significáu lliteral	Significáu
案ずるより産むが易し。	Anzuru yori umu ga yasushi.	Dar a lluz a un ñácaru ye más fácil qu'esmolecese por ello.	La medrana ye mayor que'l peligru / Dacuando ye más fácil de lo que s'espera.
出る杭は打たれる。	Deru kui wa utareru.	El clavu que sobresal va recibir la martellada.	El distintu (l'inconformista) va ser reprimíu.
知らぬが仏	Shiranu ga hotoke.	Nun saber ye Buda	La inorancia ye dicha. / Ye meyor nun saber la verdá.
見ぬが花	Minu ga hana.	Nun ver ye una flor.	Nun ye lo que s'esperaba. / La realidá nun puede competir cola imaxinación.

Frases idiomátiques editar

Xaponés	Treslliteración	Significáu lliteral	Significáu
猫に小判	Neko nin koban	[Dar] monedes d'oru a un gatu negru	Dar daqué de valor a quien nun lo valora
七転び八起き	Nanakorobi yaoki	Reponese de cada infortuniu
猿も木から落ちる	Saru mo ki kara ochiru	Inclusive los monos cayer de los árboles	Cualesquier puede cometer un error. Puede utilizase p'alvertir a daquién d'un escesu d'enfotu.

Espresiones de cuatro carácter editar

Xaponés	Treslliteración	Significáu lliteral	Significáu
十人十色	Jūnin toiro	Diez persones, diez colores.	Pa gustos, los colores. / A cada cual lo suyo.
悪因悪果	Akuin akka	Mala causa, mal efeutu.	El que sema vientos recueye torbonaes. / Recuéyese lo que se sema.
弱肉強食	Jaku niku kyō shoku	Carne débil, comida fuerte.	Sobrevivencia de los fuertes

Temes rellacionaes editar

Referencies editar

Enllaces esternos editar

Gunkan - Llista de proverbios xaponeses