Octopoda

(Redirixío dende Pulpu)

Denómase pulpu a una serie d'invertebraos cefalópodos carauterizaos por nun tener cónxara y por tener tentáculos.

Octopoda
Clasificación científica
Reinu: Animalia
Filu: Mollusca
Clas: Cephalopoda
Subclas: Coleoidea
Superorde: Octopodiformes
Orde: Octopoda
Leach, 1818
Families
Consultes
[editar datos en Wikidata]

Anatomía editar

Los ocho brazos del pulpu (denomaos "raxos") cunten con ventoses pegañoses y converxen nel cuerpu del animal, nel so puntu de converxencia presenten la boca d'aspeutu de picu córneu. Na tiesta allúguense los güeyos, mui desendolcaos, el celebru y tres corazones. Nel mantu ubíquense el restu les coraes, como'l depósitu de tinta qu'empleguen pa fuxir de los sos depredadores, tamién cunten col chorru que-yos impulsa a nalar al revés.

Los pulpos más pequeños, como'l d'aniellos azules que vive n'Australia, algamen talles d'unos 15 cm. El pulpu común octopus vulgaris pue algamar los 3 m de llargo y 12 kg de pesu. El pulpu de Vancouver ye la especie más grande, pue llegar a pesar 40 kg.

Alimentación editar

Los pulpos aliméntense de cámbaros, bivalvos ya inclusive de pexes si lleguen a atrapalos, tampoco nun refuguen del carnáu.

Pa capturar a les sos preses, el pulpu allánciase sobro elles, y arródiales colos sos brazos pa inmovilizales. Col picu maten a les sos preses esfaraguyándoles ya inyectándo-yos una enzima dixestiva que dixerirá en parte a la presa (nel pulpu d'aniellos azules esta enzima ye mortal pal ser humanu). Dempués el pulpu sorbe la so presa semidixería.

Reproducción editar

El tercer tentáculu drechu del machu ye en realidá el so muérganu copulador, que lu introduz na cloaca de la fema pa fecundar los güevos. Tres la fecundación el machu dexa a la fema, y ésta colinga los sos güevos (hasta 40.000) en forma de recimos nel techu de la so covacha.

La fema acoya los sos güevos hasta qu'eclosionen, un mes dempués, demientres esi tiempu, la fema fai frente a los depredadores y oxixena la covacha, nun s'alimenta demientres esi periodu, y tres de la eclosión muerre de fame.

Comportamientu editar

Un pulpu del zoolóxicu de Frankfurt

Los pulpos tienen muncha fuercia en comparanza col so tamañu, pero inclusive los más grandes son animales abondo tímidos, pasen la mayor parte del día escondíos en regalles de les roques y pela nueche salen a cazar.

Ye un animal que se mimetiza col entornu, faciendo abegoso columbralu, inclusive engrulla'l pelleyu p'asemeyase a les roques con algues. Sicasí, cuando ye atacáu o cuando copula, camuda de color darréu.

Los grandes pexes como la morena, el cóngaru o el pexe lluna atáquenlu davezu, pa evitalos, el pulpu espulsa un chorru de tinta prieta pel so propulsor. Tien unos sentíos mui desendolcaos, sacantes l'oyíu, que son sordos ensembre. Tien arriendes gran intelixencia, memoria ya inclusive capacidá pal deprendimientu.

Referencies editar

Enllaces esternos editar