Purificación Fenoll

Purificación Fenoll
Vida
Nacimientu	Granada, 2 de febreru de 1935 (89 años)
Nacionalidá	España
Estudios
Estudios	Universidá de Granada
Nivel d'estudios	doctoráu
Llingües falaes	castellanu
Oficiu	profesora universitaria, xeoquímica, escritora
Emplegadores	Universidá de Granada
Premios	ver Medaya d'Andalucía (2001) ;
Miembru de	Club de Roma

Purificación Fenoll Hach-Alí (2 de febreru de 1935, Granada)^[2] ye una química, xeóloga, catedrática emérita ente 2005 y 2008, Defensora Universitaria ya investigadora española, miembru del Club de Roma.

Biografía

Ye llicenciada en Ciencies Químiques y en Ciencies Xeolóxiques pola Universidá de Granada y llogró Premiu Estraordinariu de llicenciatura en Ciencies Xeolóxiques y Premiu Estraordinariu de doctoráu en Ciencies Químiques; ye profesora emérita de la universidá granadina onde foi caderalga de Mineraloxía. En Granada desenvolvió les sos principales llinies d'investigación nel estudiu de la mineraloxía y xeoquímica del magre y la so aplicación industrial, lo mesmo que de menas metáliques en rellación con xacimientos de diversos elementos tales como níquel, cromu y oru n'Andalucía.

Dirixó y participó en más de 30 proyeutos d'investigación, nacionales ya internacionales, cooperando ente otres coles Universidaes de Múnich, Roma, Glasgow, Copenhague, Rabat, Buenos Aires, Kiev y Ámsterdam.

Miembru de l'Axencia Nacional d'Evaluación y Prospectiva, dirixó'l Departamentu de Mineraloxía y Petroloxía, formó parte del Grupu de Minerología, Investigación y Xacimientos, foi secretaría de la Fundación Euro-Arabe, vicepresidenta de la Sociedá Internacional de Xeoloxía Aplicada y ocupó la presidencia de la Sociedá Española de Mineraloxía, que'l so boletín dirixó hasta la so xubilación.

Recibió numberosos gallardones y reconocencies nacionales ya internacionales. Ente ellos destaquen el Premiu de Distinción de l'Asociación Xemolóxica de Gran Bretaña y el Premiu Muyeres Investigadores y Científiques. En 2001 foi-y concedida la Medaya d'Andalucía por contribuyir « cola so actividá docente a la formación d'un importante grupu de discípulos, faciendo qu'Andalucía sía referencia destacada na investigación mundial sobre Mineraloxía».

Referencies

Esti artículu incorpora testu del «47/2001, de 22 de febreru» del Boletín Oficial de la Xunta d'Andalucía, llibre de restricciones en virtú del derechu d'autor de conformidá colo dispuesto nel artículu 13 de la Llei de Propiedá Intelectual española. Vease cabecera de la páxina de discutiniu.

↑ Afirmao en: idRef. Identificador de referencia de idRef SUDOC: 164288163. Data de consulta: 9 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
↑ Constenla, Tereixa (1 de marzu de 2001). «La nuesa vida cotidiana ta arrodiada de minerales». El País. https://elpais.com/diario/2001/03/01/andalucia/983402556_850215.html. Consultáu'l 21 de febreru de 2016.

[114e8f88d949e1f571caacb7d0a52d621b43a098-1] Afirmao en: idRef. Identificador de referencia de idRef SUDOC: 164288163. Data de consulta: 9 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.

[2] Constenla, Tereixa (1 de marzu de 2001). «La nuesa vida cotidiana ta arrodiada de minerales». El País. https://elpais.com/diario/2001/03/01/andalucia/983402556_850215.html. Consultáu'l 21 de febreru de 2016.

[2]

[1]