Quique Faes

Quique Faes (1975, Xixón) ye un periodista y escritor asturianu. Por edá pertenez a esa que se vien por llamar Tercer Xeneración del Surdimientu, siendo una de les sos figures más prolífiques. Llicenciáu en Ciencies de la Información pola Universidá Complutense de Madrid, trabayó pa dellos medios de comunicación rexonales de prensa escrito, asina como periódicos dixitales como Asturnews.

Quique Faes
Vida
Nacimientu	Xixón, 1975 (48/49 años)
Nacionalidá	España
Estudios
Llingües falaes	asturianu castellanu
Oficiu	escritor
Premios	ver Premiu Xosefa Xovellanos  (2012) : La vida increíble

Nel planu lliterariu ye autor de cuatro noveles: Memoria (1998), Malena fecha de sol y de fresa (2000) L'agobiante imperfeción de les coses (2002) y La vida increíble, cola qu'algamó'l Premiu Xosefa Xovellanos 2012. Asinamesmo, ye autor de dellos cuentos espublizaos en revistes lliteraries y recopilaciones. Cuenta amás con una bayura de premios na modalidá de cuentu curtiu (Tertulia cultural El Garrapiellu, Concursu de cuentos pola Oficialidá, etc.).

Destaca la orixinalidá de la so narrativa, qu'entemez los elementos absurdos o estraordinarios cola denuncia social. En tou casu dende una perspeutiva novedosa y d'un cuidáu usu del llinguax averáu, de xemes en cuando, a la prosa poética.

Obres

• Memoria (1998)
• Malena fecha de sol y de fresa (2000)
• L'agobiante imperfeción de les coses (2002)
• La vida increíble (Premiu Xosefa Xovellanos de 2012)

Enllaces esternos

• Datos: Q13147945