Ríu Viáu

El Ríu Viáu (o Viyáu) ye un ríu asturianu que ñaz cerca de la población naveta d'El Solanu, asitiada na parroquia d'El Remediu. Remanez per Robléu, llegando a la parroquia de Nava per Vega y depués per Villa. Al tiempu que recibe por la izquierda'l regatu de Trespandu, entra na propia Nava, onde alterna'l so cursu con paseos fluviales y canalización soterraña. Nesta canalización desemboca pela mandrecha'l regatu de La Santina, canalizáu tamién esti nel so tramu caberu. A la salida de la villa sidrera, el calce del Viáu será enforma paralelu a la llinia ferroviaria qu'empobina pa L'Infiestu. Al pasar pela parroquia de Tresali aflui pel so marxe esquierdu'l ríu La Llavandera, procedente de Cuenya. Entrando en Ceceda converxe col Ríu Pra, xurdiendo asina'l Ríu Piloña.

Viáu
Situación
Tipu	ríu
Coordenaes	43°21′31″N 5°29′00″W
Ríu Viáu Ríu Viáu (España)
Datos
Desembocadura	Ríu Piloña

Enllaces esternos

• Wikimedia Commons tien conteníu multimedia tocante a Ríu Viáu.

• Datos: Q9072212