Raúl Morodo
Raúl Morodo Leoncio (9 de xineru de 1935, Ferrol) ye un xurista y políticu español. Catedráticu de Drechu Políticu y Constitucional, foi cofundador con Enrique Tierno Galván del Partíu Socialista Popular, algamando relevancia nos años de la Transición democrática española. Con posterioridá, ensin pertenecer a la carrera diplomática, desempeñó diverses embaxaes.
Raúl Morodo | |||||||||||
|---|---|---|---|---|---|---|---|---|---|---|---|
 | |||||||||||
1995 - 1999 ← José Joaquín Puig de la Bellacasa (es)  - José Rodríguez-Spiteri Palazuelo (es) →
25 xunetu 1989 - 18 xunetu 1994 Distritu: España Eleiciones: eleiciones al Parllamentu Européu de 1989
6 xunetu 1987 - 24 xunetu 1989 Distritu: España Eleiciones: II legislatura del Parlamento Europeo (es)
5 xunetu 1977 - 23 marzu 1979 Distritu: Madrid Eleiciones: eleiciones xenerales d'España de 1977
| |||||||||||
| Vida | |||||||||||
| Nacimientu | Ferrol, 9 de xineru de 1935[1] (89 años) | ||||||||||
| Nacionalidá |
 España | ||||||||||
| Estudios | |||||||||||
| Estudios | Universidá de Salamanca | ||||||||||
| Direutor de tesis de |
Andrés de Blas Guerrero Ramón Cotarelo García Alberto Reig Tapia | ||||||||||
| Llingües falaes | castellanu[2] | ||||||||||
| Oficiu | políticu, diplomáticu, abogáu, xurista | ||||||||||
| Llugares de trabayu | Estrasburgu, Bruxeles y Madrid | ||||||||||
| Miembru de | Real Academia de Ciencies Morales y Polítiques | ||||||||||
| Creencies | |||||||||||
| Partíu políticu | Partíu Socialista Popular | ||||||||||
 | |||||||||||
.svg){kind=small}
Biografía
editarCursó'l Bachilleratu nel Colexu Tirso de Molina de Ferrol (1945-1952). Ye llicenciáu y doctor en Drechu pola Universidá de Salamanca (1952-1958) y foi caderalgu de Drechu Políticu y Constitucional nes universidaes d'Uviéu, Alcalá d'Henares, UNED y Complutense (1976-2005). Mientres el franquismu careció persecución política, siendo desterráu a diversos pueblos d'Albacete.
Como políticu, Morodo ta consideráu una figura histórica de la Transición española, siendo cofundador con Enrique Tierno Galván del PSP (Partíu Socialista Popular) y el so secretariu xeneral hasta 1978. Foi diputáu constituyente por Madrid col PSP (1977-1979). Igualmente, Morodo foi diputáu pol Centru Democráticu y Social (CDS) nel Parllamentu Européu ente 1987 y 1994. Nel IV Congresu d'esti partíu, celebráu en setiembre de 1991, presentóse al cargu de presidente, acompañándo-y na candidatura Rosa Posada como secretaria xeneral. A pesar del sofitu d'Adolfo Suárez, dambos foron ganaos por Rafael Calvo Ortega, que resultó escoyíu presidente (por 445 votos frente a 339) y por Antoni Fernández Teixidó, nuevu secretariu xeneral.
Magar nun ser diplomáticu de carrera, foi "embaxador políticu" en trés ocasiones, a saber: embaxador-representante permanente énte la Unesco (1983-1985), embaxador en Portugal (1995-1999) y en 2004 foi nomáu pol Conseyu de Ministros embaxador d'España na República Bolivariana de Venezuela, y en 2005 amás de la República Cooperativa de Guyana, cargos nos que cesó en 2007, siendo sustituyíu pol embaxador Dámaso de Lario.
Morodo foi rector de la Universidá Internacional Menéndez Pelayo y vicepresidente de la Internacional Lliberal y Progresista (1989-1992). Escribió la primer parte de les sos memories sol títulu de Atando cabos. Memorias de un conspirador moderado. Ye tamién presidente d'honor de l'asociación Foro Milicia y Democracia.
L'embaxador y catedráticu Morodo ingresó'l 12 de marzu de 2013 na Real Academia de Ciencies Morales y Polítiques con un discursu dedicáu a los constitucionalistes y precursores de la Constitución de Cádiz de 1812 Ramón Salas y Eudaldo Jaumeandreu.
En 2019, cuatro persones rellacionaes a Raúl, incluyendo al so fíu Alejo Morodo, foron deteníes nuna operación impulsada pol xuez de l'Audiencia Nacional Santiago Pedraz a instancies de la Fiscalía Anticorrupción acusaos del blanquéu de capitales de cuatro millones d'euros estrayíos ilícitamente de Petroleos de Venezuela. La policía antiblanquéu de capitales nun detuvo a Morodo, a pesar de figurar ente los investigaos y ser ún de los cabezaleros de la trama, por cuenta de la so avanzada edá de 84 años.[4]
Obres
editar- Sobre Ramón Salas y Eudaldo Jaumeandreu: Tradición, Ilustración y Liberalismos Emergentes en nuestros pioneros expositores de la Constitución de 1812. Madrid: Real Academia de Ciencias Morales y Políticas, 2013.
- Siete semblanzas políticas: republicanos, falangistas, monárquicos, Barcelona: Planeta, 2010, 265 pp.
- Fernando Pessoa y otros precursores de las revoluciones nacionales europeas. Madrid: Biblioteca Nueva, 2005.
- La transición política; prólogo d'Alfonso Guerra. Madrid: Tecnos, 1994; reed. Madrid: Tecnos, 2004.
- Atando cabos: Memorias de un conspirador moderado. Madrid: Taurus, 2001.
- Con Pablo Lucas Murillo de la Cueva El ordenamiento constitucional de los partidos políticos. México: Universidad Nacional Autónoma, 2001.
- Teatro de liberación: Alberti, García Lorca, Sartre, Ed. Girol, 1989.
- Tierno Galván y otros precursores políticos. Madrid: El País, 1987.
- Los orígenes ideológicos del franquismo: Acción Española. 2ª ed., Madrid: Alianza Editorial, 1985.
- Por una sociedad democrática y progresista. Madrid: Turner, 1982.
- VV. AA. Los partidos políticos en España, Barcelona: Labor, 1979.
- Con Enrique Tierno Galván, Estudios de pensamiento político (1976).
- Política y partidos en Chile: las elecciones de 1965. Madrid: Taurus, 1970.
- El federalismo y el federalismo europeo, Madrid: Tecnos, 1965.
Referencies
editar- ↑ URL de la referencia: http://www.europarl.europa.eu/meps/es/1340/RAUL_MORODO+LEONCIO_home.html. Data de consulta: 21 agostu 2017.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: http://www.racmyp.es/prensa/noticia.cfm?id=50. Data de consulta: 20 agostu 2017.
- ↑ Hernández, José Antonio (20 de mayu de 2019). Cuatro detenciones nel rexistru a Raúl Morodo, exembajador español en Venezuela, por blanquéu. El País. https://elpais.com/politica/2019/05/19/actualidad/1558301715_887917.html. Consultáu'l 25 de mayu de 2019.
Enllaces esternos
editar
Wikimedia Commons acueye conteníu multimedia sobre Raúl Morodo.
Datos: Q3391655- Multimedia: Raúl Morodo
