Ramón Castro Jijón

Ramón Castro Jijón (1915 - 1984) foi Presidente d'Ecuador dende'l 11 de xunetu de 1963 hasta'l 29 de marzu de 1966. Llogró'l grau d'almirante na Armada ecuatoriana y por un tiempu exerció'l cargu de xefe de la Xunta Militar de Gobiernu de 1963-1966.

Ramón Castro Jijón
Vida
Nacimientu	Esmeraldas, 15 de payares de 1915
Nacionalidá	Ecuador
Muerte	Quitu, 1 de payares de 1984 (68 años)
Oficiu	políticu
Creencies
Relixón	catolicismu

Nació na provincia d'Esmeraldas el 15 de payares de 1915 na facienda Vuelta Llarga. Los sos padres fueron Don Luis Castro Lemus y Mercedes Jijón Bonne. Cursó los sos estudios primarios na so ciudá natal. Darréu viaxa escontra Quitu onde estudia la secundaria nel Colexu Mejía graduándose nel añu de 1935 con escelentes calificaciones. Decide entrar a la facultá d'inxeniería de la Universidá Central de la República pero tan solo un añu dempués toma una decisión que camudó la so vida pa siempres: decide dexar los sos estudios d'inxeniería y opta por una carrera militar. Ye asina que cursa los sos estudios na Escuela Naval; poco tiempu dempués recibe una beca que-y dexa viaxar a Chile onde sigue los sos estudios na Escuela Naval Arturo Prat de Valparaíso.

En Valparaíso llogra les meyores calificaciones rematando los sos estudios en 1940. Foi entós que torna a Ecuador nel cual empieza a ocupar distintes dignidaes militares. Dalgunos de los puestos qu'ocupó fueron: Capitán de Puertu, Comandante Xeneral de Marina, Secretariu Funcional de les Fuercies Armaes, y a finales de 1950 Agregáu Naval en diverses embaxaes. Esta foi la so primer esperiencia nel ámbitu políticu y tuvo una destacada participación y llabor nes embaxaes onde trabayó.

Amás, Ramón Castro contrái matrimoniu con Piedá Gabela Reyes, quien formaba parte de l'alta sociedá quiteña, y tuvo seis fíos.

Darréu mientres el gobiernu de Carlos Julio Arosemena Monroy ye nomáu Comandante Xeneral de la Marina y permaneció nesti puestu hasta qu'en 1963 formó parte de la Xunta Militar que sacó del poder al presidente Carlos Julio Arosemena Monroy. Castro tomó'l mandu de la Xunta Militar al ser l'oficial de mayor antigüedá y asina se conformó'l triunviratu que gobernó hasta 1966. El so gobiernu fixo dellos apurras como lo foi la eliminación del huasipungo al traviés d'una reforma agraria.

Ver tamién

• Presidente d'Ecuador
• Dictador d'Ecuador

Enllaces esternos

• Datos: Q434737