Ramón González Peña

Ramón González Peña
diputáu nes Cortes republicanes
5. Presindente del Partíu Socialista Obreru Español
diputáu nes Cortes republicanes
diputáu nes Cortes republicanes
alcalde de Mieres
ministru de Gobernación
Presidente de la Diputación Provincial de Huelva (es)
presidente
Presidente de la Diputación Provincial de Oviedo (es)
Vida
Nacimientu	Valdunu, 1 de xunetu de 1888
Nacionalidá	España
Muerte	Ciudá de Méxicu, 27 de xunetu de 1952 (64 años)
Estudios
Llingües falaes	castellanu
Oficiu
Oficiu	políticu, mineru, sindicalista
Llugares de trabayu	Madrid
Miembru de	Unión Xeneral de Trabayadores
Creencies
Partíu políticu	Partíu Socialista Obreru Español

Ramón González Peña (1 de xunetu de 1888, Valdunu – 27 de xunetu de 1952, Ciudá de Méxicu) foi un sindicalista y políticu socialista.

Mineru na so mocedá, dexó l'actividá pa dedicase profesionalmente a la política. Foi secretariu xeneral de la Federación Nacional de Mineros y afiliáu al sindincatu socialista de la Unión Xeneral de Trabayadores, nel que llegó a ocupar dellos cargos.

En tola II República Española ocupa un escañu nes Cortes como diputáu socialista pola Provincia de Huelva, de la que foi gobernador al proclamase'l nuevu réxime. Torna más tarde p'Asturies, onde ocupa los cargos d'alcalde de Mieres y presidente de la Diputación Provincial d'Uviéu.

N'ochobre de 1934, participa como cabezaleru de la revolución que tien llugar n'Asturies (llegándo a ser consideráu l'auténticu "xeneralísimu" de la mesma). Participó nos preparativos de la revolución, tando presente nel fallíu desembarcu d'armes del "Turquesa". Tamién foi acusáu de participar nel robu de más de catorce millones de pesetes del Bancu d'España, n'Uviéu, un dineru que según él foi entregáu al Comité Revolucionariu. Una vez sofocada la revuelta pol exércitu, escuéndese n'Ablaña hasta avientu de 1934, cuando ye deteníu. Foi xulgáu en febreru de 1935, y condenáu a muerte, pero'l Gobiernu presidíu por Alejandro Lerroux conmúta-y la pena por cadena perpetua. Tres la victoria del Frente Popular nes eleiciones de 1936 ye puestu en llibertá y elixíu nuevamente diputáu.

Na Guerra Civil (1936-1939) foi nomáu Presidente de la Comisión Executiva del sindicatu socialista UXT, en sustitución de Largo Caballero y ocupa'l cargu de Ministru de Xusticia nel segundu gobiernu de Juan Negrín. Tres el final de la contienda fuxe a Francia y ellí actúa como vocal del SERE (Serviciu d'Emigración pa Republicanos Españoles) constituyíu en París en 1939, y que foi creáu por Negrín pa organizar l'exiliu de los republicanos. Depués marcha a Méxicu, y ellí foi espulsáu del PSOE por Indalecio Prieto que lu consideraba "filocomunista". Morrería na capital mexicana en 1952.

Referencies

↑ ^1,0 ^1,1 Afirmao en: Diccionario Biográfico del Socialismo Español. Identificador el Diccionario Biográfico del Socialismo Español: 9393_gonzalez-pena-ramon. Apaez como: González Peña, Ramón. Data de consulta: 15 ochobre 2020. Editorial: Fundación Pablo Iglesias.
↑ URL de la referencia: http://www.congreso.es/portal/page/portal/Congreso/Congreso/Iniciativas?_piref73_2148295_73_1335437_1335437.next_page=/wc/servidorCGI&CMD=VERLST&BASE=DIPH&FMT=DIPHXD1S.fmt&DOCS=2-2&DOCORDER=FIFO&OPDEF=Y&NUM1=&DES1=&QUERY=%2850500%29.NDIP.. Data de consulta: 20 xineru 2020.

Enllaces esternos

[76c88b85a09ab8d2cc39371cd051f33e2679cc90-1] 1,0 ^1,1 Afirmao en: Diccionario Biográfico del Socialismo Español. Identificador el Diccionario Biográfico del Socialismo Español: 9393_gonzalez-pena-ramon. Apaez como: González Peña, Ramón. Data de consulta: 15 ochobre 2020. Editorial: Fundación Pablo Iglesias.

[f0637a1c0bdf7e2ab9fccb3860982d985052c7d7-2] URL de la referencia: http://www.congreso.es/portal/page/portal/Congreso/Congreso/Iniciativas?_piref73_2148295_73_1335437_1335437.next_page=/wc/servidorCGI&CMD=VERLST&BASE=DIPH&FMT=DIPHXD1S.fmt&DOCS=2-2&DOCORDER=FIFO&OPDEF=Y&NUM1=&DES1=&QUERY=%2850500%29.NDIP.. Data de consulta: 20 xineru 2020.

[1]

[2]