Ramón de Mesonero Romanos

Ramón de Mesonero Romanos
conceyal del Conceyu de Madrid	;
conceyal del Conceyu de Madrid
Vida
Nacimientu	Madrid, 19 de xunetu de 1803
Nacionalidá	España
Muerte	Madrid, 30 d'abril de 1882 (78 años)
Sepultura	cementerio de San Isidro (es)
Estudios
Llingües falaes	castellanu
Oficiu	escritor
Trabayos destacaos	Manual de Madrid: descripción de la corte y de la villa (es)
Miembru de	Real Academia Española
Movimientu	costumismu
Seudónimos	El Curioso Parlante

Ramón de Mesonero Romanos (19 de xunetu de 1803, Madrid – 30 d'abril de 1882, Madrid) foi un escritor español. Los sos estudios históricos y artículos de costumes dedicaos a la capital española fixéronlu acreedor de los títulos de cronista y bibliotecariu perpetuu de la villa de Madrid.

Biografía

Yera fíu d'una influyente familia madrilana. El so padre, Matías Mesonero, natural de Salamanca y aficionáu a la lliteratura, finó en 1820, dexando a Ramón al cargu de los negocios familiares.

El Trieniu Lliberal marcó fondamente al autor cola so atmósfera lliberal y revolucionaria, a tal estremu que s'apuntó como milicianu nacional con apenes dieciocho años. Daquella publicó los sos primeros cuadros de costumes: Mis ratos perdidos o ligero bosquejo de Madrid en 1820 y 1821 (Madrid, Imp. de Don Eusebio Álvarez, 1822).

Nel campu lliterariu, interesóse sobremanera por Leandro Fernández de Moratín, Bartolomé José Gallardo y Sebastián de Miñano, y lleó a los dramaturgos del Sieglu d'Oru: Tirso de Molina, Lope de Vega, Pedro Calderón de la Barca, Agustín Moreto o Francisco Rojas Zorrilla. Tamién foi un entusiasta de la ópera italiana.

Despachu de Mesonero Romanos en Madrid, onde escribió Memorias de un setentón; dibuxu de Juan Comba.

Foi distinguíu miembru de la conxusta de «El Parnasillo» y formó parte de la llamada «Partida del Truenu»: José de Espronceda, Ventura de la Vega, Patricio de la Escosura, Miguel de los Santos Álvarez, Mariano José de Larra, Romero Larrañaga, Pelegrín, Segovia, ente otros románticos d'espíritu ilustráu, artistes, dramaturgos y empresarios. El más xuníu a Mesonero foi quiciabes José María Carnerero, periodista y dramaturgu, que lu introduxo nos medios periodísticos más importantes de la dómina. Juan Grimaldi, direutor del teatru del Príncipe y autor de la célebre comedia de maxa La pata de cabra, foi otru de los colegues del «El curiosu parlante», nomatu col que Mesonero roblaba los sos escritos.

Daquella empezó a esperimentar moliciones urbanístiques. El cambéu qu'esperimentó Madrid mientres estos años foi motivu pa numberoses salíes al estranxeru con interés pola fisonomía urbana que imperaba en distintos contestos xeográficos. Dende agostu de 1833 a mayu de 1834 Mesonero Romanos viaxó a Francia. Namái parcialmente llegaron hasta nós los Fragmentos de un diario de viaje, publicaos polos fíos del escritor nel centenariu de la so nacencia. La so segunda salida al estranxeru queda reflexada na so obra Recuerdos de viaje por Francia y Bélxica; sicasí percorrió munchos otros reinos d'Europa en tiempos de rexencia de María Cristina, tal como consta nos Trabajos no coleccionados publicaos polos sos fíos.

Redactó con Estébanez Calderón el periódicu Cartas Españolas y nel periodu entendíu ente 1845 y 1850 dedicóse al Conceyu de Madrid como conceyal. El so «Proyecto de mejoras generales», lleíu na sesión de la Corporación municipal el día 23 de mayu de 1846, supunxo una auténtica remodelación del Madrid de la dómina. Años más tarde redactó nueves «Ordenanzas» municipales que rixeron llargu tiempu.

Dempués empecipió una intensa actividá lliteraria: fixo ediciones de los dramaturgos contemporáneos y posteriores a Lope de Vega y Rojas Zorrilla pa la Biblioteca d'Autores Españoles, y foi cronista oficial a partir del 15 de xunetu de 1864. Tamién collaboró n'«El Indicador de las Novedades, El Correo Literario y Mercantil, Cartas Españolas, Revista Española, Diario de Madrid» y na revista «Semanario Pintoresco Español», de la que foi fundador.

Ingresó na Real Academia'l 3 de mayu de 1838 como académicu honorariu y el 25 de febreru de 1847 como miembru de númberu. Foi un activu ateneísta y bibliotecariu nomáu a perpetuidá pol Conceyu, que más tarde mercó la so biblioteca por 70 000 reales.

Vecín de la plaza de Vázquez de Mella, del so inicial lliberalismu evolucionó al conservadorismu que se percibe nes sos «Memorias de un setentón».

Obra

Ramón de Mesonero Romanos por José Casado del Alisal (Atenéu de Madrid).

Mis ratos perdidos o ligero bosquejo de Madrid en 1820 y 1821, Madrid, Imp. de Don Eusebio Álvarez, 1822.
Manual de Madrid. Descripción de la Corte y de la Villa, Madrid, 1831.
Panorama matritense: cuadros de costumbres de la capital observados y descritos por un curioso parlante, Madrid, Imprenta de Repullés, 1835.
Recuerdos de viaje por Francia y Bélxica en 1840 y 1841, Madrid, 1841.
Escenas y tipos matritenses, Madrid, 1851.
Nuevo manual histórico-topográfico-estadístico, y descripción de Madrid, Madrid, 1854.
El antiguo Madrid, Madrid, 1861.
Memorias de un setentón, natural y vecino de Madrid, Madrid, Oficinas de la Ilustración Española y Americana, 1880.
Obras jocosas y satíricas de El Curioso Parlante (1832-1842), Madrid, 1881.
Tipos y caracteres: bocetos de cuadros de costumbres: (1843 a 1862), Madrid, 1881.

Referencies

↑ ^1,0 ^1,1 Afirmao en: Gemeinsame Normdatei. Data de consulta: 7 mayu 2014. Llingua de la obra o nome: alemán. Autor: Biblioteca Nacional d'Alemaña.
↑ Afirmao en: autoridaes BNF. Identificador BnF: 125701330. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
↑ URL de la referencia: http://www.rae.es/academicos/ramon-de-mesonero-romanos. Data de consulta: 24 xunetu 2017.

Enllaces esternos

Wikisource n'español acueye obres orixinales de Ramón de Mesonero Romanos.
Portal web consagraú a Ramón Mesonero Romanos na Biblioteca Virtual Miguel de Cervantes.
Obres dixitalizaes de Ramón de Mesonero Romanos na Biblioteca Digital Hispánica, de la Biblioteca Nacional d'España.

[d4ce7efbf6aaffdbd03283cac10750fce4a13b23-1] 1,0 ^1,1 Afirmao en: Gemeinsame Normdatei. Data de consulta: 7 mayu 2014. Llingua de la obra o nome: alemán. Autor: Biblioteca Nacional d'Alemaña.

[6290d2427f979a13679aba9c57d6983c56917b10-2] Afirmao en: autoridaes BNF. Identificador BnF: 125701330. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[5cefbefbe30fa8d9f3ce2301e691c0c702aaa4a3-3] URL de la referencia: http://www.rae.es/academicos/ramon-de-mesonero-romanos. Data de consulta: 24 xunetu 2017.

[1]

[2]