Ramon Ferrer Navarro
Ramon Ferrer Navarro (1946, Vila-real) ye un historiador valencianu, doctor n'Historia Medieval pola Universidá de Valencia y presidente de l'Acadèmia Valenciana de la Llengua (AVL) dende 2011.[1]
Ramon Ferrer Navarro | |||
|---|---|---|---|
 | |||
18 payares 2011 - 11 marzu 2022 ← Manuel Pérez Saldanya - Verònica Cantó Domènech → | |||
| Vida | |||
| Nacimientu | Vila-real, 1946 (77/78 años) | ||
| Nacionalidá |
 España | ||
| Estudios | |||
| Estudios | Universidá de Valencia | ||
| Llingües falaes |
castellanu catalán | ||
| Oficiu | historiador, profesor | ||
| Emplegadores |
Universidá de Valencia Academia Valenciana de la Llingua | ||
 | |||
Biografía editar
Dempués de doctorase na Universidá de Valencia foi profesor del departamentu d'Historia Medieval de la mesma universidá. Amás, ye académicu de la Real Academia de Cultura Valenciana dende l'añu 1984. Foi nomáu académicu tamién de l'AVL dende'l so entamu en 1998, a propuesta del Partíu Popular. Ramón Ferrer moderó les sos posiciones llingüístiques iniciales, cercanes al secesionismu llingüísticu, de tala forma que defendió'l dictame que promulgó l'AVL en reconocencia de la unidá llingüística ente'l catalán y el valencianu.[2]
El 18 de payares de 2011 consiguió ganar les eleiciones a presidente de l'AVL, frente al filólogu Manuel Pérez Saldanya, qu'ocupaba la presidencia del ente de manera interina dempués de la dimisión de l'anterior presidenta, Ascensió Figueres, qu'abandonó l'academia pa formar parte de les llistes del Partíu Popular nes eleiciones xenerales de 2011.
A principios de 2014 la definición de valencianu realizada pola AVL causó discutiniu. En febreru de 2014 recibió dos ataques con pintaes na so casa atribuyíes al GAV nos que se-y acusaba de pancatalanista.[3] Tamién en rellación con esi discutiniu, dimitió del so puestu na RACV en marzu de 2014.[4]
Obres editar
Ramon Ferrer ye autor de dellos monográficos sobre fontes, comerciu medieval valencianu, repoblación, instituciones, minoríes, toponimia y mentalidaes, ente los cualos hai que citar:
- El Llibre del Repartiment del Regne Valencià
- Coses vedades en 1393
- L'exportació valenciana en el segle XIV
- Conquista i repoblació del Regne de València
- Documents i dades per a un estudi toponímic de la regió valenciana
- La València de Lluís Vives
- Ausiàs March i la seua època.
Referencies editar
- ↑ Vilaweb (ed.): .
- ↑ «Ramon Ferrer, nuevu presidente de la Acadèmia Valenciana de la Llengua, diariu El País.
- ↑ Levante-EMV (10 de febreru de 2014). «Ataquen con pintaes la casa del presidente de la AVL». Consultáu'l 26 de febreru de 2016.
- ↑ El presidente de la Acadèmia dimite de la RACV tres el discutiniu pola definición de valencianu, diariu Levante-EMV, 6 de marzu de 2014.
Enllaces esternos editar
Datos: Q20006414
