Raukar

Los raukar (en suecu; singular: rauk) son una formación xeolóxica en forma de pilastres d'estrañes y suxerentes formes esculpíos pel mar nes roques sedimentaries a partir de la última glaciación. Estes formes débense a la diferencia de durez de la piedra caliar y les margues que fai que la erosión cause efeutos desiguales.

Rauk na islla de Fårö.

Los raukar algamen en dellos casos más de diez metros perriba l'agua y atópense a lo llargo de les mariñes del mar Bálticu de la gran islla sueca de Gotland y tamién de les más pequeñes islles de Fårö y Lilla Karlsö, asitiaes xusto al norte y al oeste de Gotland. Hai tamién raukar nun llugar de la islla d'Öland, la otra gran islla sueca del mar Bálticu.

Estes escultures de piedra fueron comparaes por Carl von Linné con «estatues, caballos y tou tipu d'espíritus y demonios». Los raukar más conocíos, tamién porque son accesibles pa los turistes, tán asitiaos nel estremu suroeste de Gotland y llámense Hoburgsgubben.

El términu rauk ye una pallabra sueca dende 1852 y provién del antiguu nórdicu.

Ver tamién

• Farallón
• Stack
• Kekur

Enllaces esternos

• Wikimedia Commons acueye conteníu multimedia sobre Raukar.
• Esta obra remanez de la traducción de rauker de Wikipedia - francés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.