Rebecca Guarna, tamién conocida como Rebecca de Guarna o Rebeca de Guarna, (fl. sieglos XIII-XIV)[1] foi una doctora, ciruxana, profesora y autora de testos médicos italiana, una de les poques muyeres de les que se conoz que practicaben la Medicina na Edá Media. Ignórense munchos datos de la so vida, sábese que yera miembru d'una reconocida familia salernitana,[2] qu'amás de ser maestra de la Escuela de Medicina de Salerno yera una notable herborista y qu'escribió los trataos De Urinis, De febrius y De embrione.[3][4] En De Urinis describe, ente otres coses, l'usu de muestres d'orina nel diagnósticu d'enfermedaes. El so trabayu foi mentáu na Collectio Salernitana.[4]

Rebecca Guarna
Vida
Nacimientu sieglu de XIII
Muerte fecha desconocida
Estudios
Llingües falaes italianu
Oficiu médica, cirujano (es) Traducir, escritoraprofesora
Cambiar los datos en Wikidata
"Tabla de la orina" de la dómina Medieval pal diagnósticu d'enfermedaes

Nel estudiu de Salvatore De Renzi sobre la Escuela de Medicina de Salerno realizáu nel sieglu XIX, Guarna ye una de los cuatro muyeres mentaes —xunto con Costanza Calienda, Abella y Mercuriade— que se sabe que practicaben medicina, impartíen conferencies sobre medicina y escribíen trataos.[5] Forma parte del grupu de muyeres conocíu como Mulieres Salernitanae, esto ye, Muyeres de Salerno.[6]

Referencies editar

  1. De Martino, Giulio; Bruzzese, Marina (1996) Les filósofes: les muyeres protagonistes na hestoria del pensamientu. Universitat de València, páx. 97. ISBN 9788437614403.
  2. Walsh, James J. (2011) Old Time Makers of Medicine. Elamedia Group LLC, páx. 132. ISBN 9781449550929.
  3. Olsen, Kirstin (1994) Chronology of Women's History. Greenwood Publishing Group, páx. 51. ISBN 9780313288036.
  4. 4,0 4,1 Whaley, L. (2011) Women and the Practice of Medical Care in Early Modern Europe, 1400-1800. Springer, páx. 13-14. ISBN 9780230295179.
  5. Green, Monica (iviernu de 1989). «Women's Medical Practice and Health Care in Medieval Europe». Signs 14(2): 453. Working Together in the Middle Ages: Perspectives on Women's Communities.
  6. Oakes, Elizabeth H (2007). Encyclopedia of World Scientists. Nueva York: Infobase Publishing. ISBN 9781438118826