República Popular del Congo

	estáu desapaecíu
Bandera d'El Congu	escudu d'El Congu
Himnu nacional	Three Days of Glory;
Alministración
Capital	Brazzaville
Forma de gobiernu	unipartidismu
Llingües oficiales	francés
Relixón oficial	catolicismu
Miembru de	ver Organización pa la Unidá Africana ; ;
Xeografía
Coordenaes	4°16′S 15°17′E / 4.27°S 15.28°E
Economía
Moneda	Francu CFA

La República Popular del Congo (Francés: République Populaire du Congo) foi un estáu socialista establecíu en 1970 na actual República del Congo. Lideráu pol Partíu Congoleñu del Trabayu (Francés: Parti Congolais du Travail, PCT), esistió hasta 1991, cuando'l país foi renombráu y el gobiernu del PCT foi esaniciáu dientro de la fola multipartidista qu'esperimentó África a principios de la década de 1990.

Demografía editar

La República Popular del Congo cuntaba con 2.153.685 habitantes en 1988. Vivíen nella 15 grupos étnicos distintos, siendo mayoritaries les etnies Kongo, Sangha, M'Bochi, o Teke. Unos 8.500 europeos permanecieron nel país, mayoritariamente franceses o orixinarios de Francia. El francés yera l'idioma oficial, pero tamién se reconocíen otres llingües como'l kikongo y el lingala. La mayoría de la población concentrábase en redol a nucleos urbanos como Brazzaville. El índiz d'alfabetización yera del 80%, pero la mortalidá infantil yera tamién bien alta.

Historia editar

La República Popular del Congo (RP del Congo) foi proclamada en Brazzaville dempués d'un esitosu golpe d'Estáu orquestados por militares d'esquierda descontentos col Gobiernu. Marien Ngouabi foi proclamáu Presidente de la República y tresformó el país nun estáu socialista dos años dempués del golpe. Dempués d'eslleir l'Asamblea Nacional, Ngouabi formó un partíu marxista-leninista que se llamó Partíu Congoleñu del Trabayu (PCT), qu'exercería'l lideralgu de la vida política del país hasta 1991. Con tou, Ngouabi foi asesináu en 1977.

Como otros estaos socialistes africanos, la RP del Congo caltuvo estreches rellaciones cola XRSS y colos países del llamáu Bloque del Este, según con Cuba.^[1] Esta alianza fíxose más fuerte tres l'asesinatu de Ngouabi en 1977. Sicasí, el gobiernu del PCT entá caltenía una rellación sólida con Francia.^[2]

A mediaos del añu 1991, el Conseyu Nacional Soberanu retiró'l términu populaire ("Popular") del nome oficial del país, mientres reemplazaba tamién la bandera y l'himnu nacional utilizaos mientres el gobiernu comunista, lleváu al so fin pola mesma. El CNS nomó a un Primer Ministru transitoriu, llamáu André Milongo, que foi investido con poderes executivos. El presidente Denis Sassou Nguesso empezó a exercer como presidente en funciones en capacidá ceremonial mientres el periodu de transición escontra'l sistema pluripartidista.^[3]

Referencies editar

↑ Timeline: Republic of the Congo
↑ John F. Clark, "Congo: Transition and the Struggle to Consolidate", in Political Reform in Francophone Africa (1997), ed. John F. Clark and David Y. Gardinier, page 65.
↑ Clark, "Congo: Transition and the Struggle to Consolidate", page 69.

[1] Timeline: Republic of the Congo

[2] John F. Clark, "Congo: Transition and the Struggle to Consolidate", in Political Reform in Francophone Africa (1997), ed. John F. Clark and David Y. Gardinier, page 65.

[3] Clark, "Congo: Transition and the Struggle to Consolidate", page 69.

[1]

[2]

[3]