Revólver (banda)
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Revólver ye un grupu musical valenciano lideráu por Carlos Goñi, cuyo estilu musical camuda ente'l pop y el rock, magar que delles vegaes amuesa coses d'otros estilos musicales, como la música celta, el jazz, el fadu, o incluso'l hip-hop.
| Revólver (banda) | ||
|---|---|---|
 | ||
| Orixe | España | |
| Xéneru(os) | rock | |
| Sellu discográficu | Warner Music Group | |
| Miembros | ||
| Carlos Goñi | ||
| Enllaces esternos | ||
| Sitiu web oficial | http://es-revolver.com/ | |
| Discogs | 1444108 | |
| OficialRevolver | ||
| [editar datos en Wikidata] | ||
Historia
editarRevólver creóse no cabero de 1988 en Valencia tres un intentu de reestructuración de Comité Cisne, l'anterior banda de Carlos Goñi y Rafael Pico. formáronlu Carlos Goñi (compositor, voz y guitarra), Rafael Pico (batería), Sergio Roger (baxu) y Jorge Lario (guitarra).
En 1990 llancen el so primer trabayu, RevólveR, col qu'algamen unes ventes modestes. En 1992 graben Si no hubiera que correr, que, pese a vender más copies quel postrer, sigue lloñe del gran públicu. Ye Básico, en 1993, el discu col que saltaríen dafechu a la escena nacional y que supón el primer discu básico d'España, nel que collaboren José M. Casañ (Seguridad Social), Soledad Giménez (Presuntos Implicados) y Rafa Sánchez (La Unión). A estes altures, el grupu ya ye un proyeutu personal de Carlos Goñi, que contrata a un grupu de músicos pa cada xira o discu. Temes como Si es tan sólo amor o El roce de tu piel fáense perpopulares.
Tres l'ésitu de Básico, consideráu por abonda xente como un de los grandes ésitos del pop español, el grupu graba El Dorado, marcadamente influyíu pola música de Bruce Springsteen, lo que-y val a Carlos l'apodu d'el Springsteen de Valencia. En 1996 graben Calle Mayor, discu col que'l grupu métese dafechu na tema de la denuncia social, que caltendrá nos sos posteriores discos, magar que la so tema principal siguirá siendo les canciones romántiques. Roy Bittan, teclista de Springsteen, aceutó tocar de baldre na tema principal del discu.
En 1997, torna a grabar un conciertu básicu de la mano de Los 40 Principales: Básico 2 conviértese, igual que xu antecesor, nún ésitu dafechu de ventes. El discu ye un garapiellu de versiones acústiques de los sos dos anteriores discos, más 3 canciones nueves, ente les que s'inclui Besaré el suelo, que foi compuesta pol propiu Carlos Goñi pa Luz Casal.
Tres aparar 3 años, que'lcantante aprovechó pa crear la so propia discográfica, Nena Records, y los sos estudios de grabación, Estudios Mojave, sal al mercáu Sur, según el propiu Carlos el so trabayu mas escuro, pero del que diz tar perarguyosu. Carauterízase por soníos perrockeros y daqué de pesimismu qu'enllena tol discu.
El so octavu trabayu, 8.30 AM, supón un cambéu nel estilu del grupu. Si bien ye de por sí camudante ente discu y discu, en 8.30 AM ésti ye más radical. El propiu nome supón una declaración d'intenciones: Carlos dexa de componer pela nueche, y pasa a facelo pela mañana, a les 8 y media; camuda los hábitos de vieyu rockero polos d'un pa de familia. Soníos seles, con guitarres de jazz, y una cierta cayida nes ventas del grupu.
Depués de 8.30 AM llancen Rarezas, con versiones inédites de canciones del grupu, y Grandes Éxitos, qu'atropa dellos de les sos meyores temes, asina como dos canciones nueves. Una d'elles y'una versión de Qué será, de José Feliciano.
Mestizo sería'l siguiente LP. De nuevu un cambéu radical, pasa de la suavidá del so postrer trabayu a los soníos duros de guitarres pesaes. Nel discu del grupu con mayor denuncia social, y les principales radios d'España paecen acoyelu con frialdá por esti motivu, lo que nun ayuda a espoxigar el númberu de ventes del grupu.
En 2006 asoléyase Básico 3, con nueves versiones de cantares de los sos tres anteriores discos d'estudiu, y dos cantares nuevos. El conciertu grábase en dos vegaes, de les que s'esbilla lo meyor, y nun s'acompanga con arreglu instrumental dalu. Nél collaboren Enrique Bunbury, Mikel Erentxun, Álvaro Urquijo y Sasha Sokol.
Miembros
editar- Carlos Goñi - Voz y compositor
- Rafael Pico - Batería (ex-miembru)
- Sergio Roger - Bajo (ex-miembru)
- Jorge Lario - Guitarra (ex-miembru)
- Jesús Gabaldón - Bajo (ex-miembru)
- Pau Chafer - Piano (ex-miembru)
- Ángel Celada - Batería (ex-miembru)
Discografía
editarÁlbumes
editarReferencies
editarEnllaces esternos
editar- Páxina oficial del grupu Archiváu 2007-01-12 en Wayback Machine
- Estudios Mojave Archiváu 2007-01-18 en Wayback Machine
- Nena Records Archiváu 2007-01-08 en Wayback Machine
- Páxina Estra-Oficial (en Gallego) Archiváu 2007-01-29 en Wayback Machine
Datos: Q11703052
