Rho Leonis
Rho Leonis (ρ Lleo / 47 Leonis / HD 91316)[10] ye una estrella na constelación de Lleo, asitiada a 8 minutos d'arcu de la eclíptica. Dacuando recibe'l nome de Shir, del persa «lleón». Na antigua Babilonia señalaba la decimosesta constelación eclíptica, Maru-sha-arkat-Sharru, que'l so significáu pue ser el «cuartu fíu» o «el fíu de cuatro años tres el rei».[11]
Coordenaes: 
10h 32m 48.672s, 9° 18′ 23.709″
Rho Leonis ta bien alloñada de nós y, al igual que Deneb (α Cygni), la so distancia nun puede midise per aciu paralax. Una estimación de la mesma pue ser 3650 años lluz. Ye una estrella binaria, que la so componente visible, Rho Leonis A, ye una superxigante azul de tipu espectral B1Ib y magnitú aparente +4,4. Extraordinariamente lluminosa, relluma con una lluminosidá 165.000 vegaes mayor que la del Sol. Como otres superxigantes tamién ye llixeramente variable, con una variación irregular de rellumu en redol al 7%. Xira sobre sigo mesma con una velocidá de rotación proyeutada de 55 km/s, implicando un periodu de rotación inferior a 21 díes. 23 vegaes más masiva que'l Sol, la so masa ta bien percima de la llende en que les estrelles rematen los sos díes en forma de supernova, siendo ésti'l final que lu espera a esta estrella. Anque la so edá averada ye de namái 7 millones d'años, yá terminó nel so interior la fusión d'hidróxenu, y nun va trescurrir enforma tiempu primero que sobrevenga la esplosión final.[12]
Sobre Rho Leonis B poco se sabe, nin siquier el tipu espectral. Lo que sí ye seguro ye qu'hai de ser bien masiva tamién, yá que apenes ye media magnitú más tenue que Rho Leonis A.
El sistema estelar Rho Leonis ta relativamente alloñáu del planu galácticu, llugar de nacencia de la mayor parte de les estrelles, lo que suxer que foi movíu dende ellí por dalguna interaición gravitatoria, pudiendo ser consideráu una versión menor de les llamaes estrelles fuxitives.[12]
Referencies
editar- ↑ 1,0 1,1 1,2 Afirmao en: SIMBAD.
- ↑ 2,0 2,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ «The interstellar Ca II distance scale» (n'inglés). Astronomy and Astrophysics (2): páxs. 833–840. 15 setiembre 2009. doi:.
- ↑ «UBV photometry of stars whose positions are accurately known. VII». Astronomy and Astrophysics: páxs. 591–592. 1993.
- ↑ «Rotational Velocities of B Stars» (n'inglés). The Astrophysical Journal (1): páxs. 359–365. xunetu 2002. doi:.
- ↑ Ralf-Dieter Scholz (payares 2007). «Astrophysical supplements to the ASCC-2.5: Ia. Radial velocities of ∼55000 stars and mean radial velocities of 516 Galactic open clusters and associations». Astronomische Nachrichten (9): páxs. 889-896. doi:.
- ↑ Afirmao en: Gaia DR2. Stated in source according to: SIMBAD. Llingua de la obra o nome: inglés. Data d'espublización: 25 abril 2018.
- ↑ «Stellar population models in the UV. I. Characterisation of the New Generation Stellar Library» (n'inglés). Astronomy and Astrophysics: páxs. A143. febreru 2012. doi:.
- ↑ R. Barbá (2018). «Search for Galactic runaway stars using Gaia Data Release 1 and HIPPARCOS proper motions» (n'inglés). Astronomy and Astrophysics: páxs. 149–149. doi:.
- ↑ Rho Leonis (SIMBAD)
- ↑ Allen, Richard Hinckley (1889). «Lleo», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0. Consultáu'l 19 de setiembre de 2010.
- ↑ 12,0 12,1 Rho Leonis (Stars, Jim Kaler)
Coordenaes: 10h 32m 48.672s, 9° 18′ 23.709″
Datos: Q2984438
