Richard Burgi

Richard Burgi
Vida
Nacimientu	Montclair, 30 de xunetu de 1958 (66 años)
Nacionalidá	Estaos Xuníos
Llingua materna	inglés
Estudios
Llingües falaes	inglés
Oficiu	actor, actor de televisión, actor de cine
IMDb	nm0121404

Richard Burgi (30 de xunetu de 1958, Montclair) ye un actor, actor de televisión y actor de cine d'Estaos Xuníos. Ye conocíu poles sos participaciones como'l Detective Jim Ellison en The Sentinel y como Karl Mayer en Desperate Housewives.

Biografía

Vida personal

Burgi nació nos suburbios de (Montclair, Nueva Jersey. La so familia tuvo arreyada nel teatru comuñal. El so hermanu ye Chuck Burgi, un batería de rock bien conocíu que compartió escenariu con distintos artistes, ente ellos Billy Joel. Dempués de la secundaria, Burgi viaxó al traviés de los EE.XX. y Europa, tomando trabayos ocasionales.

Burgi casóse con Lori Kahn el 25 de payares de 1995. Tuvieron dos fíos, Jack (8 d'avientu de 1996) y Samuel (15 d'agostu de 2000), y vivieron en Laguna Beach, California, hasta'l so divorciu en 2011.

En febreru de 2012, Burgi casóse con Liliana López.

Carrera

Burgi empezó la so carrera en Nueva York, interpretando papeles regulares en series televisives norteamericanes (soap opera, como por casu One Life to Live, Another World y As The World Turns. Depués de camudase a Los Angeles, actuó na serie Days of our Lives y apaeció en diversos programes de televisión (incluyendo la película Chamaleons de 1989), gracies a lo cual recibió un papel na serie Viper. El so primer papel protagonista sería en One West Waikiki (1994).

Burgi foi escoyíu como'l protagonista de la serie The Sentinel (1996-1999), atayada dempués de tres temporaes. Al nun resolvese les cuestiones clave del argumentu, los siguidores de la mesma realizaron una campaña por que se filme media temporada dándo-y el debíu final. Más tarde, recibió papeles recurrentes en The District, 24 y Judging Amy, según pequeños papeles n'otres series y nel cine. En 1998 fixo la remake de la película I Married a Monster.

Dende l'añu 2004, Burgi participó con papeles protagónicos en series como Desperate Housewives, Harper's Island y Hot in Cleveland, ente otres, y apaeció como actor invitáu en Law & Order: Special Victims Unit. Chuck, One Tree Hill, solo por mentes dalgunes. Tamién protagonizó na pantalla grande'l thriller Cellular (2004), según una nueva versión de Fun with Dick and Jane y el romance In Her Shoes xunto a Toni Collette. En 2007, participa na película de terror Hostel: Parte II y, en 2009, en Friday the 13th.

Filmografía

Desperate Housewives Karl Mayer
Starship Troopers 2: Hero of the Federation Capt. V.J. Dax
Nos sos zapatos Jim Danvers
Hostal 2
Decoys Detective Francis Kirk
Viper Lane Cassidy
One West Waikiki Detective Mack Wolfe
Harper's Island
Chuck Thomas Wellington
Wheelmen Clyde Decke
Hot in Cleveland The nice guy
One Tree Hill Ted Davis
The Message (Firefly) Lieutenant Womack

Referencies

Enllaces esternos

Richard Burgi na Internet Movie Database (n'inglés)
Richard Burgi n'AllMovie (n'inglés)
Richard Burgi en Twitter