Roales

Roales ye un conceyu y llocalidá d'España, na comunidá autónoma de Castiella y Llión, dientro de la provincia de Zamora, asitiáu na contorna de Tierra del Pan. Tien una superficie de 10,89 km², con una población de 856 habitantes (INE 2016) y una densidá de población de 78,6 hab/km².

Roales
Alministración
País	España
Autonomía	Castiella y Lleón
Provincia	provincia de Zamora
Tipu d'entidá	conceyu d'España
Alcalde de Roales del Pan	Miguel Ángel San Martín Pecharromán
Nome oficial	Roales (es)
Códigu postal	49192
Xeografía
Coordenaes	41°33′06″N 5°46′22″W
Roales Roales (España)
Superficie	10.78 km²
Altitú	698 m
Llenda con	Zamora y Cubillos
Demografía
Población	1010 hab. (2023) - 493 homes (2019) - 438 muyeres (2019)
Porcentaxe	0% de provincia de Zamora
Densidá	93,69 hab/km²
Más información
Estaya horaria	UTC+01:00
roalesdelpan.netne.net

Historia

Les noticies históriques relatives a Roales avérennos a la repoblación efectuada polos monarques del Reinu de Llión na llinia del Duero mientres los sieglos X-XII. Siempres permaneció ésti como llugar de realengu dientro de la xurisdicción de la Tierra del Pan. Instituciones eclesiástiques tan distantes como Nª Sª de la Victoria de Salamanca, Mercedarios de Toro y dellos conventos de Zamora, amás del Cabildru de la Catedral, atroparon importantes propiedaes rústiques que cultivaben los llabradores de Valcabado n'arrendamientu. Dientro del actual términu aniciaba'l despobláu de Villanueva, en que'l so llugar tenía'l Cabildru de la Catedral una heredá forera.

Yá na Edá Contemporánea, al crease les actuales provincies na división provincial de 1833, Roales del Pan quedó encuadráu na provincia de Zamora, dientro de la Rexón Lleonesa.

Finalmente, cabo señalar qu'ente mediaos del sieglu XIX y hasta la década de los años 20 del sieglu XX Roales formó parte del conceyu de La Hiniesta.

Demografía

Gráfica d'evolución demográfica de Roales ente 1930 y 2017

Fonte Institutu Nacional d'Estadística d'España - Ellaboración gráfica por Wikipedia.

Patrimoniu

Roales del Pan tien na so ilesia parroquial de Nuesa Señora de l'Asunción el so edificiu más carismáticu. Reconstruyida ente los años 1971 y 1972, namái caltién la portada del mediudía de la orixinal construcción del sieglu XVI. Nel so interior, el templu guarda un Cristu del sieglu XVI y un San Sebastián del XVII, y dientro de la sacristía puede almirase un crucifixu de principios del sieglu XVII. Amás, cuenta con una figura del San Antonio Abá de XVI y una cruz parroquial en plata, de la primer metá del sieglu XVII. El so Altar Mayor foi restauráu mientres el branu de 2008.

Fiestes

El 20 de xineru celebra fiesta n'honor de San Sebastián. Coles mesmes, festexar a San Isidro Llabrador el 15 de mayu, con rosariu siguíu de procesión y bendición de campos, el 15 d'agostu La nuesa Señora de l'Asunción, titular de la parroquia, y na primera quincena d'agostu tien llugar el Branu Cultural, mientres el que s'entamen tou tipu d'actos pa toles edaes.

Ver tamién

• Llista de conceyos de Zamora
• Tierra del Pan

Enllaces esternos

• Páxina del Conceyu de Roales del Pan

• Datos: Q1646390
• Multimedia: Roales del Pan