Rogelio Jove y Bravo

Rogelio Jove y Bravo
caderalgu d'universidá	;
caderalgu d'universidá
Vida
Nacimientu	Uviéu, 16 de setiembre de 1851
Nacionalidá	España
Muerte	Uviéu, 17 d'abril de 1927 (75 años)
Estudios
Estudios	Universidá d'Uviéu ; Universidá Central
Nivel d'estudios	doctor
Llingües falaes	castellanu
Oficiu	xurista, periodista, profesor universitariu, abogáu, escritor
Emplegadores	Universidá d'Uviéu ; Diputación Provincial d'Uviéu
Miembru de	Real Academia de la Historia ; Real Academia de Belles Artes de San Fernando ; Grupu d'Uviéu

José María Rogelio Jove y Suárez Bravo (16 de setiembre de 1851, Uviéu – 17 d'abril de 1927, Uviéu) foi un abogáu, catedráticu y periodista asturianu.

Biografía

Jove y Bravo ñaz n'Uviéu siendo fiyu del conocíu compositor Alejandro Jove y Puerta. Realiza sos estudios na ciudá carbayona llicenciandose en Derechu Civil y Canónicu en 1870 na Universidá d'Uviéu y en 1874 algama el doctoráu pola Universidá Central de Madrid. Una vez finada la carrera entra a trabayar de funcionariu na diputación asturiana a la so vez qu'entama a exercer l'abogacía.

El 5 d'ochobre de 1879 motiváu pola controversia provocada pol corte del carbayón centenariu uvieín funda el diariu El Carbayón xunto a los hermanos tipógrafos Laruelo. Ye nomao direutor cargu que ocupó demientres ventidós años.

En 1887 algama la cátedra de Derechu Políticu y Administrativu puestu que mantendrá hasta 1921.

So fiu foi José María Jove y Canella, médicu y escritor.

Foi ún de los integrantes del Grupu d'Uviéu.

Demientres la dictadura de Miguel Primo de Rivera ocupó los cargos de presidente de la Diputación provincial d'Asturies, de la Unión Patriótica y del Centro Diocesano d'Uviéu. Foi tamién miembru de la Real Academia de la Historia española, Real Academia de Bellas Artes de San Fernando y Comisión Provincial de Monumentos y conseyeru de Instrucción Pública.

Obra

Demientres so mocedá escribe poesía amas s'interesa pol mundu periodísticu asina emtama a realizar collaboraciones con El Faro Asturiano, Revista Ovetense, Joven Asturias o El Eco de Avilés ente otros. Pa estas collaboraciones usaba dos seudónimos, El Bachiller Arnaldo y con más frecuencia Luis de Carmen. Sos inquietues periodístiques encumen cola fundación en so xuventú del periódicu El Apolo.

Demientres so época foi conocíu sobre tou como escritor, con trataos sobre temes xurídicos, conferencies, monografíes de calter históricu y numberoses collaboraciones na prensa.

Bibliografía

Los foros de Asturias y Galicia. (Uviéu, 1876)
Guía civil, militar y eclesiástica de la provincia de Asturias. (Uviéu, 1878-1879)*
Los foros: Estudio histórico y documental, bibliográfico y crítico de los foros de Galicia y Asturias. (Madrid, 1883)
Memoria del Círculo Escolar de Obreros Católicos de Oviedo. (Uviéu, 1886)
Rentas e importaciones de Asturias. (Uviéu, 1893)
Progreso de la condición social del obrero (Madrid, 1896)
Mitos y supersticiones de Asturias. (Uviéu, 1903)
La España heroica. (poesía)
Horas tristes. (poesía)
Los amores de la luna. (poesía)
Un siglo de prensa asturiana: Apuntes para una historia del periodismo en Asturias (1808-1916)

Collabora na obra Asturies, d'Octavio Bellmunt y Fermín Canella, colos artículos: Uviéu (tomu I), Virxe de la Cueva. Tradición (tomu I), Castrillón (tomu III) y Mitos y supersticiones d'Asturies (tomu II).

Referencies

↑ ^1,0 ^1,1 Afirmao en: Diccionario biográfico español. Identificador DBE: 39467/jose-maria-rogelio-jove-y-suarez-bravo. Apaez como: José María Rogelio Jove y Suárez Bravo. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.

Enllaces esternos

[a3f0606364a06d3b42b256a6888eb88ad20f96e5-1] 1,0 ^1,1 Afirmao en: Diccionario biográfico español. Identificador DBE: 39467/jose-maria-rogelio-jove-y-suarez-bravo. Apaez como: José María Rogelio Jove y Suárez Bravo. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.

[1]