Rosa María Fernández García
Rosa María Fernández García (1942, Xixón – 18 d'avientu de 2021, Xixón) foi una sindicalista asturiana, gallardoniada cola Medaya de Plata al Méritu nel Trabayu en 2009.
Rosa María Fernández García | |
|---|---|
| Vida | |
| Nacimientu | Xixón, 1942 |
| Nacionalidá |
 España |
| Muerte | Xixón[1], 18 d'avientu de 2021[1] (78/79 años) |
| Oficiu | sindicalista, graduada social |
| Premios | |
 | |
Biografía
editarRosa María Fernández nació en 1942 na cai Eladio Carreño de la llocalidá asturiana de Xixón nuna familia obrera.[2][3]
A los 17 años entamó a trabayar na Fábrica de Tabacos de Xixón, nel barriu Cimavilla. Ehí tuvo per 40 años hasta la so prexubliación en 1999.[2] En 1968, gracies al accesu a la Universidá pa mayores de 25 años, Fernández matriculóse na Escuela Universitaria de Graduaos Sociales de Xixón pa estudiar Graduáu social.[2] Pa facelo, la empresa concedió-y un "préstamu d'honor", que finalmente nun tuvo que devolver pol so aprovechamientu de la carrera.[2]
En 1962 comenzó la so llarga carrera sindical, que tuvo que desenvolver na clandestinidá mientres el réxime franquista.[2][4] Empecipió la so trayectoria sindicalista como enllaz sindical na Fábrica de Tabacos de Xixón, que yera propiedá de Tabacalera.[3] En 1976 afilióse, tamién de manera clandestina, a UXT.[2] Al añu siguiente, en 1977 pasó a integrar la executiva de la UXT de Xixón, siendo nomada secretaria xeneral de la sección sindical d'UXT na Fábrica de Tabacos de Xixón.[2][4] Más tarde, foi escoyida miembru del comité d'empresa, función que desempeñó hasta la so prexubilación.[2] Ente 1986 y 1988 exerció como delegada sindical estatal de Tabacalera.[2]
Fernández siguió militando na Xunión Comarcal d'UXT Xixón ocupando dellos puestos y exerciendo, en 2009, como secretaria d'alministración.[2][3]
Reconocencies
editarEn 2006 foi homenaxada pola Xunión de Xubilaos, Prexubilaos y Pensionistes de la UXT de Xixón xunto a Ulises Concejo Hevia.[5] En 2008, foi reconocida por tola so trayectoria sindical nos Premios 8 de Marzu otorgaos por UXT con motivu del Día de la muyer trabayadora.[3] En 2009 foi-y concedida, al pie de la tamién sindicalista Celestina Marrón, la Medaya al Méritu nel Trabayu na so categoría de Plata pola so trayectoria llaboral y el so trabayu polos derechos de los trabayadores.[6]
Referencies
editar- ↑ 1,0 1,1 URL de la referencia: https://www.elcomercio.es/gijon/fallece-veterana-sindicalista-20211219001112-ntvo.html. Data de consulta: 24 setiembre 2023.
- ↑ 2,00 2,01 2,02 2,03 2,04 2,05 2,06 2,07 2,08 2,09 «El Gobierno premia la labor de dos asturianas en favor de los derechos laborales» (castellán) (2009-04-24). Consultáu'l 2021-08-20.
- ↑ 3,0 3,1 3,2 3,3 Asturias, Gijón › Xixón › Gijón ›. «Fernández García, Rosa María» (castellán). Consultáu'l 2021-08-20.
- ↑ 4,0 4,1 «La medalla al Mérito en el Trabajo galardona la lucha sindical en la clandestinidad» (castellán) (2009-07-17). Consultáu'l 2021-08-20.
- ↑ «Pensionistas y jubilados de UGT» (castellán) (2006-12-13). Consultáu'l 2021-08-20.
- ↑ «Dos sindicalistas asturianas obtienen la Medalla de Oro al Mérito en el Trabajo» (castellán) (2009-04-24). Consultáu'l 2021-08-20.
Enllaces esternos
editar
Datos: Q108175121
