Sōfugan

Sōfugan o Sōfuiwa (孀婦岩, Sōfugan o Sōfuiwa^? «Roca de la Vilba»), conocida tamién como Lot's Wife n'inglés («Esposa de Lot»), ye una islla despoblada y volcánica allugada a 650 km de les mariñes de Tokiu, y ye el puntu más meridional de les islles Izu de Xapón. Alministrativamente pertenez a la metrópoli de Tokiu, pero nun se determinó a qué ciudá, villa o pueblu que te na so xurisdicción; provisionalmente ye alministráu dende la subprefectura de Hachijō. L'Axencia Meteorolóxica de Xapón clasificó tanto la islla como la so zona circundante como un volcán activu.

Sōfugan
Situación
País	Xapón
Metropolitan prefecture (en)	Tokiu
Subprefeutura	subprefeutura de Hachijō
Tipu	islla volcánica
Parte de	Islles Izu
Asitiáu en	Océanu Pacíficu
Coordenaes	29°47′39″N 140°20′31″E
Sōfugan Sōfugan (Pacíficu Norte)
Datos
Altitú media	99 m
Superficie	0,0037 km²
Población	0
Noamáu por	viuda (es) y Esposa de Lot (es)
Fusu horariu	Asia/Tokiu
Llonxitú	0,084 km

Historia

Foi afayada pol marín inglés John Meares el 9 d'abril de 1788, quien se maravió cola so forma y nomóla Lot's Wife pola so forma asemeyada a la esposa de Lot, personaxe de la Biblia que se convirtiera nuna estatua de sal. Darréu en documentos oficiales xaponeses la islla toma'l nome de Sōfugan o Sōfuiwa.

Xeografía

Alcuéntrase a 650 km al sur de la zona continental de Tokiu y a 76 km al sur de la islla Torishima. Tien una estensión de 84 × 56 m (0,01 km²), unu altor máximu de 99 m y ye una roca de color escuru consistente de basaltu y de forma pindia, polo que ye imposible asitiase na islla, nun siendo que se faiga por aciu una esguilada (foi esguilada en 1972 y 2003). Forma parte d'un volcán submarín que la so caldera allugase a 2,6 km al sur de la islla y a 240 m de fondura.

Les agües circundantes son bastante clares polo que ye un llugar especial para la pesca y el bucéu.

Enllaces esternos

• Wikimedia Commons acueye conteníu multimedia sobre Sōfugan.

• Sōfugan n'OpenStreetMap.
• Sōfugan - Japan Coast Guard volcano database (en japonés)

• Datos: Q1348337
• Multimedia: Sofuiwa