Sablera de la Ñora
La sablera de la Ñora ye una sablera asitiada na parroquia de Quintueles, nel conceyu asturianu de Villaviciosa . D'unos 200 metros de llargor, caracterízase pola esistencia d'una peña nel centru de la sablera que queda cubierta en pleamar. Conocida como Peña'l Romero, tien un llargor d'unos 50 metros, y cuenta con numberoses poces que, cuando la marea baxa son aptes pal bañu.
| Sablera de la Ñora | |
|---|---|
 | |
| Situación | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Villaviciosa |
| Parroquia | Quintueles |
| Tipu | sablera |
| Coordenaes | 43°33′N 5°35′W / 43.55°N 5.59°O |
  Sablera de la Ñora Sablera de la Ñora (Asturies) | |
| Datos | |
| Llonxitú | 150 m[1] |
 | |
La sablera ye de sable blancu, salvu per delles zones alcontraes de piedra. Mientres gran parte del añu, traviesa la sablera'l regueru Ñora, que fai de llende ente los conceyos de Villaviciosa y Xixón. Ta catalogada como LIC, y forma parte de la Mariña Oriental d'Asturies.[2]
La sablera ye accesible per carretera asfaltada y por dos sendes piatonales, y cuenta con un restorán, serviciu d'aparcamientu y serviciu de vixilantes.
Les corrientes y l'aguaxe nun suelen ser bien fuertes, pero pueden llegar a selo cola esistencia de mar de fondu, polo que la sablera ta cerrada al bañu dellos díes del añu.
Puede aportase a ella por Quintueles, pela carretera VV-I, o dende Xixón pela carretera de la Providencia o pol altu del Infanzón.
-
Peña El Romero -
Regueru Ñora -
Vista dende la sablera en direición a Xixón
Referencies editar
- ↑ Espublizáu en: Conseyu de Gobiernu del Principáu d'Asturies. URL de la referencia: https://www.asturias.es/portal/site/webasturias/menuitem.6e0e3b8f454aecb96c0be183ec12b2a0/?vgnextoid=9ccb5d0cfd524410VgnVCM100000ce212b0aRCRD.
- ↑ http://sig.magrama.gob.es/93/ClienteWS/Guia-Playas/Default.aspx?nombre=PLAYAS_WEB&claves=DGC.
Enllaces esternos editar
Wikimedia Commons acueye conteníu multimedia sobre Sablera de la Ñora 
.
Datos: Q6079149- Multimedia: Beach of La Ñora
