Samantha Downing

Samantha Downing (¿?) ye una escritora d'Estaos Xuníos de xéneru policiacu, residente en Nueva Orleans.

Samantha Downing
Vida
Nacionalidá	Estaos Xuníos
Estudios
Llingües falaes	inglés
Oficiu	escritora
Llugares de trabayu	Nueva Orleans
IMDb	nm11414113
samanthadowning.com y samanthadowning.com

Trabayó como recepcionista nuna peluquería y nuna tienda d'antigüedaes onde se vendíen xoyes antigües.

Anque siempres-y gustó escribir, para ella constituyía una simple afición hasta qu'una amiga fíxo-y llegar a un editor lliterariu una copia de My lovely wife, darréu traducida al francés como Pas de secrets entre nous y al castellanu como Mi adorada esposa, llogrando un gran ésitu de públicu y siendo amás nomada a los premios Edgar, ITW y Macavity nos Estaos Xuníos, al CWA nel Reinu Uníu y ganando el Grand Prix des Lectrices en Francia.

Tres l'ésitu d'esti thriller psicolóxicu, Amazon Studios adquirió los sos derechos cinematográficos, en sociedá cola productora de Nicole Kidman, Blossom films.

El so segundu llibru, He started it, espublizóse en 2020 y convirtióse instantáneamente nun bestseller internacional. El so tercer thriller, For your own good, publicáu n'EEXX el 20 de xunetu de 2021 ya instantáneu bestseller na llista de bestsellers d'USA Today ta "ambientado nuna prestixosa escuela privada, con padres cacipladores, estudiantes demasiáu entusiastes y un maestru que solo quier enseña-yos una llección a toos...".

El 18 de xunetu de 2023 salió a la vienta n'Estaos Xuníos A Twisted Love Story. Según The Nerd Daily, trátase d'un thriller temerariu y deliciosu sobre una moza pareya que-y da un significáu dafechu nuevu a los peligros de les cites amoroses modernes.

Bibliografía

• 2019 - My lovely wife
• 2020 - He started it
• 2021 - For your own good
• 2023 - A twisted love story

Enllaces esternos

• Páxina web oficial
• Páxina web oficial

• Samantha Downing na Internet Movie Database (n'inglés)

• Datos: Q108210276