San Zabornín (El Pieloro)

San Zabornín ye una entidá de población de la parroquia d'El Pieloro, en Carreño.

San Zabornín
Alministración
País	España
Autonomía	Principáu d'Asturies
Provincia	provincia d'Asturies
Conceyu	Carreño
Parroquia	El Pieloro
Partíu xudicial	Xixón
Tipu d'entidá	llugar
Xeografía
Coordenaes	43°34′13″N 5°50′06″W
San Zabornín San Zabornín (Asturies)

L'INE establez que San Zabornín ye un llugar de 20 habitantes (11 homes y 9 muyeres). El so códigu de referencia ye 33 014 091200 .

Alcuéntrase a una distancia de Candás, capital del conceyu, de 4,30 km. Tien una altitú máxima de 90 m sobre'l nivel del mar. Pal añu 2001 contaba con 4 viviendes principales.

Topónimu

Escribe Xosé Lluis García Arias, fala de los nomes de llugar derivaos de nomes de santos y desplica:

"SANCTI SATURNINI: San Zabornín (Is), San Zornín (Vv) y San Zabornín, este último, pueblo que pertenece a las parroquias de Pieloro (Cñ) y Cardo (Cñ), aparece documentáu “Sancti Saturnini”"

Sitios d'interés

Casa Lluisa

Tamién nomada "Casa de los González Pola", ye una casa mariñana de piedra con portalón central, cola cocina y la habitación caúna a un llau la entrada y la corte, cola teneda enriba, al fondu. Na fachada, l'escudu de los González Pola.

Asitiada nesti barriu, data del sieglu XVI. Dende l'añu 40, fuera chigre-tienda, hasta que morrió nos 80 l'últimu habitante, José Ramón Suárez, pa de l'actual propietaria de la casa Mª Luisa Suárez Suárez.

L'estáu de conservación ye permalu.

Fonte la Pipera

Esta fonte y llavaderu tien una estructura en forma de "L" y el cañu nel vértiz, tando rematada por un frontón. Tien cuatro llavaderes y un pilón que, tal vez, usárase como bebederu.

Bolera de batiente de San Zabornín

Remocicada nel añu 2002, esta bolera tien instalaciones qu'inclúin una pista tillada con madera. Cuenta con illuminación propia pa facilitar el so uso nocherniegu.

Ye la sede de la Peña Bolística de San Zabornín y alcuéntrase nesti barriu.

Enllaces esternos

• Datos: Q13148014