Santa María de Castañéu

Santa María de Castañéu ye'l templu o ilesia de la Parroquia de Castañéu de Miranda nel Conceyu de Miranda d'Asturies. Preside el so altar mayor una imaxe de la Virxe del Rosariu sedente. L'edificiu compónse de dos cuerpos diferenciaos volumétricamente. El primer cuerpu, o principal, asítiase nel estremu norte del conxuntu edificáu. Ye la parte construyida más antigua y a la vez de meyor traza, conservándose volumétricamente intacta. Compónse d'un cuerpu de forma llixeramente rectangular, cuasi cuadráu, cubiertu per una bóveda de cañón fecha en sillares de piedra, qu'a la so vez descansa sobre unes muries perimetrales de mampostería. Estes muries remátense nos sos requexos con sillares de piedra. Hai una imposta corrida de sillares que sirve de transición ente les muries y la bóveda. Esti cuerpu principal ábrese al sur al traviés d'un arcu de mediu puntu executáu con doveles de sillares de piedra caliar. Pela so forma y tipoloxía constructives que s'observen, pue aventurase que la construcción data del sieglu XVII y inicialmente nun tendría cuerpos añadíos, polo que seguramente nos encontremos ante una ermita de carauter votivu. Adosáu a esti cuerpu principal y por prollongación de les sos muries llaterales alcuéntrase un anexu con una envolvente que coincide por estensión col orixinal. Esti cuerpu alberga la sacristía de la ilesia actual y probablemente nun existiera nun principiu, a tenor de la existencia d'un pequeñu furacu a mou de ventana que s'alcuentra nel testeru norte del cuerpu que denominamos principal y qu'inicialmente dexaría entrar lluz del esterior.

Santa María de Castañéu

Enllaces esternos

• Datos: Q25580290