Santantolín

parroquia del conceyu d'Ibias (Asturies)

Santantolín[2] ye una villa y una parroquia del conceyu d'Ibias, onde s'asitia la capital del mesmu, nel suroccidente d'Asturies. Foi nomada Pueblu Exemplar en 1999 polos príncipes d'Asturies. Ta allugada ente les reserves naturales de Los Ancares y Munieḷḷos, a 149 quilómetros d'Uviéu y tien 334 hab. (2020)[3].

Blue globe icon.svgSantantolín
San Antolín (Ibias, Asturias).jpg
Alministración
PaísFlag of Spain.svg España
AutonomíaFlag of Asturias.svg Principáu d'Asturies
Provincia provincia d'Asturies
Conceyu[[Archivu:|20x20px|border|link=|]] Ibias
Tipu d'entidá parroquia d'Asturies
Xeografía
Coordenaes 43°02′19″N 6°52′12″O / 43.0385°N 6.86994°O / 43.0385; -6.86994Coordenaes: 43°02′19″N 6°52′12″O / 43.0385°N 6.86994°O / 43.0385; -6.86994
Santantolín alcuéntrase n'Asturies
Santantolín
Santantolín
Santantolín (Asturies)
Altitú 263 m[1]
Demografía
Población 334 hab. (2020)
Porcentaxe 0%
0.03%
100%
28.26% d'España
Principáu d'Asturies
provincia d'Asturies
Ibias
Más información
Estaya horaria UTC+01:00
Cambiar los datos en Wikidata

La villa de Santantolín ye la capital del conceyu d'Ibias con 298 vecinos (2008). Les sos víes de comunicación correspuéndense coles d'un territoriu de montaña al tar Ibias arrodiáu de cumes penriba de los 1.000 metros. Les carreteres principales son: AS-210, AS-211, AS-212 y AS-29. La capital de la Comunidá, Uviéu, ta a unos 150 km., unes dos hores y cuartu de trayeutu en coche.

El topónimu Santantolín, recuerda el cultu local a SANCTUM ANTONINUM, qu'emparenta con otros exemplos asturianos como Sanantolín en Llanes. Al mesmu tiempu dase l'étimu Santo Antolín, pero que se refier aparentemente al patronu y en consecuencia a la fiesta llocal nel so honor, asina en Santantolín celébrense les fiestes de Santo Antolín.

Ún de los monumentos de rellumu de la villa ye la ilesia parroquial de Santantolín d'Ibias, ye d'una sola nave con bóveda de cañón, ábside semicircular abovedáu y techume de madera. La nave ta separtada del presbiteriu por un arcu de mediu puntu pergrande. L’ábside divídese en dos zones separtaes por llinies d'impostes. Nel esterior destaca'l pórticu, con unes columnes delgaes qu'arranquen dende una pequeña muria. Tanto l'edificiu como'l muru esterior tán techaos de pizarra. La fachada principal tien forma d'espadaña de tres pisos, nel primeru ta la puerta y nel terceru'l campanariu. Entamose a facer nel sieglu XI anque hasta llegar al edificiu d'anguaño foron necesaries delles reformes y amiestos qu'entamaron nel sieglu XIII y finaron al rodiu del XIX. En cuantes a la decoración interior, ye de sorrayar la conservación de los frescos orxinales llaterales y el principal tapáu pol retablu del altar.

La sienda l'oruEditar

Una de les principales rutes de monte del conceyu ye la sienda l'oru, que pretende amosar la güelga dexada polos romanos pa la estracción del oru. L'entamu ta en Santantolín y pasa pelos pueblos de Cecos y Vilamayor. Tá sita a la vera de les escavaciones de la dómina romana camuflaes ente la trupa vexetación. Una parte de la ruta ye per onde baxaba l'agua emplegada pal procesu d'esplotación del mineral. Siguiendo'l cursu del ríu llégase a la propiedá privada conocida como Caseríu de la Pena'l Corvo que ye un conxuntu de vivienda, cuadra, horru (construyíu en 1814), molín d'agua y capiella.

XeografíaEditar

LlocalidaesEditar

Nᵘ Nome


Población % población
Santantolín


1 Caldevilla


334 100%


2 Cuantas


334 100%
3 Ferreira


334 100%
4 Folgoso


334 100%
5 Linares


334 100%
6 Montillo


334 100%
7 Peneda


334 100%
8 Piñeira


334 100%

ReferenciesEditar

  1. Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
  2. Esti conceyu tovía nun tien espediente toponímicu oficial
  3. Afirmao en: Nomenclátor Geográfico de Municipios y Entidades de Población. Data de consulta: 23 xunu 2020. Autor: Institutu Xeográficu Nacional d'España. Editorial: Institutu Xeográficu Nacional d'España. Llingua de la obra o nome: gallegu. Data d'espublización: 22 mayu 2019.

Enlllaces esternosEditar