Santi Millán

Santiago Millán Montes (13 de setiembre de 1968, Barcelona) ye un actor y presentador de televisión español.

Santi Millán
Vida
Nacimientu	Barcelona, 13 de setiembre de 1968 (56 años)
Nacionalidá	España
Familia
Casáu con	Rosa Olucha (2009 – )
Estudios
Llingües falaes	catalán castellanu
Oficiu	presentador de televisión, actor, showman (es) , modelu, actor de televisión
IMDb	nm0590298

Biografía

Catalán de padres andaluces, estudió nel Institut del Teatre de Barcelona. Costeóse los estudios trabayando nun mataderu.

En 1989 incorporóse a la compañía teatral La Cubana, na que permaneció mientres una década, protagonizando varios espectáculos d'ésitu per toa España, como Cómeme el coco negro o Cegada de amor.

Al traviés de La Cubana fizo les sos primeres apariciones en televisión, actuando en programes como El día por delante y El martes que viene, de Televisión Española, o l'especial de «Nochevieja» 1989 de TV3. Posteriormente, tamién participó en delles series cómiques producíes por La Cubana pa TV3 (Els grau en 1991 y Teresines S.A. en 1993) y Telecinco (Me lo dijo Pérez en 1999).

Esi mesmu añu, 1999, abandonó La Cubana pa incorporase al late night de TV3 La cosa nostra, presentáu por Andreu Buenafuente, onde interpretaba'l personaxe de Paco Monteagudo, reporteru del programa. La Cosa Nostra, caltúvose en pantalla hasta 2001, con notables cifres d'audiencia y llogrando distinciones como'l Premiu Ondas.

En xineru de 2001, da'l saltu a la televisión nacional con La última noche, un late night producíu por El Terrat pa Telecinco, qu'encaboxóse a les poques selmanes. A finales d'esi añu regresó a TV3 col programa d'improvisación A pèl, tamién producíu por El Terrat. Nél, Millán copresentaba con José Corbacho, col que yá coincidiera en La última noche, La Cosa Nostra y na compañía La Cubana. Nesa mesma época, Corbacho y Millán tamién coincidieron nel so regresu a los escenarios, col espectáculu cómicu 5hombres.com Tooello ello compaxinólo col so debut radiofónicu como collaboraor del programa El Terrat, presentáu por Andreu Buenafuente en Radio Barcelona (Cadena SER).

Tres la fama adquiria en Cataluña, empezó a ser conocíu pol gran públicu a nivel nacional tres d'incorporase, en 2002, a la serie Periodistas, de Telecinco, producida por Globomedia, onde interpretaba al reporteru gráficu Pep. Tres la finalización de la serie, en 2002, la mesma productora incorporólu al repartu d'intérpretes de 7 vidas, una de les sos series de mayor ésitu. Nella caltúvose durante cuatro temporaes encarnando a Sergio Antúnez, el noviu de Vero (Eva Santolaria) y hermanu de Pablo (Leandro Rivera).

Paralelamente, Millán volvió a collaborar con Andreu Buenafuente, qu'en 2002 regresó a TV3 pa presentar el programa nocturnu semanal Una altra cosa.

La popularidá adquirida nel mediu televisivu permitió-y iniciar una carrera en cine con comedies como Vivancos 3 (2003) o Di que sí (2004), y pequeños papeles en Torrente 2 (2000), Lisístrata (2002) y Nudos (2003). En 2005 Ventura Pons llamólu pal so primer papel dramáticu protagonista en la película Amor idiota. Encadenó esti rodaxe col de la comedia Va a ser que nadie es perfecto de Joaquín Oristrell.

En xineru de 2005 Andreu Buenafuente treslladó'l so late show de TV3 a Antena 3, llevando consigo al so equipu habitual, ente ellos Santi Millán, que collaboró durante la primer temporada. Un de los sos momentos más recordaos foi cuando consiguió que'l cantante d'U2, Bono, dixera "un, dos, tres, quince" en llugar de "un, dos, tres, catorce" na canción "Vértigo" nun conciertu en Chicago.

En 2006, xunto con El Terrat, produz la serie Divinos, que tamién protagonizaba. La comedia, emitida por Antena 3, encaboxóse dos selmanes dempués del so estrenu.

En 2007 abandona El Terrat y crea la so propia productora, Zoo Partners Entertainment (Zoopa). El 10 d'ochobre de 2007 estrena en TV3 el so primer programa propiu, Boqueria 357.

Teatru

• Cubanas a la carta (1988)
• Cómeme el coco, negro (1989)
• Cubana Maratón dancing (1992)
• Cegada de amor (1994-1998)
• 5 Hombres.com
• Hombres, mujeres y punto
• Ustedes se preguntarán como he llegado hasta aquí (2001)
• Comando a distància (2003)

Cine

• La habitación de Fermat de Luis Piedrahita y Rodrigo Sopeña (2007)
• Va a ser que nadie es perfecto de Joaquín Oristrell (2006)
• Amor idiota de Ventura Pons (2005)
• Di que sí de Juan Calvo (2004)
• Nudos de Lluís Maria Güell (2003)
• Vivancos 3 d'Albert Saguer (2003)
• Lisístrata de Francesc Bellmunt (2002)
• Torrente 2: Misión en Marbella de Santiago Segura (2000), actor
• El amor perjudica seriamente la salud de Manuel Gómez Pereira (1996), actor

Televisión

Programes

• El día por delante, TVE (1989)
• Especial nochebuena en TVE (1989)
• Especial cap d'any "Aquest any TV3 no fa res" (1989-1990)
• El Martes que viene (TVE, 1990), actor
• La Cosa Nostra (TV3, 1999-2000), reporteru
• La última Noche (Telecinco, 2001), subdireutor, actor
• A pèl (TV3, 2001-2002), presentador
• El Club de la comedia, Digital + (2001-2005)
• Una altra cosa (TV3, 2002-2003), reporteru
• A pèl tour (TV3, 2002-2003), presentador
• Buenafuente, (Antena 3, 2005), collaborador
• Boqueria 357(TV3, 2007), presentador

Series

• Els grau (TV3, 1991), actor
• Teresines, SA (TV3, 1992), actor
• Me lo dijo Pérez (Telecinco, 1999), actor
• Periodistas (Telecinco, 2002), actor
• 7 vidas (Telecinco, 2002-2005), actor
• Divinos, (Antena 3, 2006), productor executivu, actor

Radio

• El Terrat. Estem arreglats, Radio Barcelona (2001-2002)

Premios

• Unión d'Actores.
• Candidatu al premiu de meyor actor secundariu de televisión por 7 vidas (2004, 2005).
• Fotogramas de Plata
• Candidatu al premiu de meyor actor de televisión (2004)
• Candidatu al premiu de meyor actor de cine (2005)

Enllaces esternos

• Wikimedia Commons acueye conteníu multimedia sobre Santi Millán.
• Santi Millán na Internet Movie Database (n'inglés)
• Santi Millán n'AllMovie (n'inglés)
• Santi Millán en FilmAffinity (castellán)
• Santi Millán en Facebook
• Santi Millán en Twitter (cuenta verificada)

• Datos: Q3049363
• Multimedia: Santi Millán