Sappho

Sappho
Información xeneral
	[editar datos en Wikidata]

Sapho ye una plataforma d'evidencies científiques dedicada a la investigación de xéneru. Dende un enfoque dialóxicu persigue la identificación d'evidencies científiques nel campu del xéneru y el desmentíu de los bulos que s'esparden ensin evidencies. Ye una de les ferramientes que ta dinamizando la cocreación del conocimientu científicu nel campu del xéneru al poner en contautu a persones dedicaes a la investigación científica y a persones que tienen interés nesti campu^[1].

Nesta plataforma, la ciudadanía pue plantegar les sos duldes respeutu a la investigación sociolóxica al rodiu del xéneru y apurrir evidencies científiques avalaes internacionalmente (pentemedies de publicaciones científiques indexaes nos corpus de referencia) o bien testimonios que cuestionen o fortalezan una idea. D'esti xeitu, preténdese espardir la evidencia científica y evitar la desinformación. La plataforma facilita'l diálogu de la ciudadanía cola comunidá científica y apurre una vía d'intercambiu d'evidencies y esperiencies pa llograr l'accesu a la ciencia de toles persones y l'impactu social de les evidencies nun campu tan relevante como'l de l xéneru.

Participación

Cualesquier persona pue participar nesta plataforma consultando los temes que-y seyan d'interés. Pa incluyir publicaciones en Sappho ye abondo con rexistrase de baldre y entamar un "post" nuevu nel que s'abra un tema entá nun plantegáu na plataforma; o participar nun alderique apurriendo referencies científiques validaes, o espublizar dalgún testimoniu relacionáu col tema sobre'l que se trate.

Cada vez que s'abre un tema nuevu, entama un diálogu na comunidá pa fixar si la afirmación propuesta ye un bulu, si tien evidencia científica, si necesita más evidencia o si esiste controversia na comunidá científica al respeutu d'esa cuestión.

Temes

En Shappo recuéyense dellos temes y la plataforma siempre ta abierta a l'apaición de cuestiones nueves. Los principales temes sobre los que se recueyen evidencies científiques en xéneru y diálogos al rodiu d'elles son: violencia de xéneru; feminismu; atracción , deséu, placer, amor; consentimientu; LGTB+; maculinidaes; llibertá sexual y discursu coercitivu dominante, desigualdaes llaborales y profesionales; y diversidá étnica, cultural y socioeconómica^[2].

Referencies

↑ Flecha, Ramon; Saso, Carmen Elboj; Torras-Gómez, Elisabeth; Joanpere, Mar (2022-07). «The time of dialogic sociology». International Sociology (en inglés) 37 (4): 457-474. ISSN 0268-5809. doi:10.1177/02685809221111890. Consultao'l 24 de febreru de 2023.
↑ Evidence and hoaxes by themes – Scientific evidence platform Archiváu 2023-02-24 en Wayback Machine (socialimpactscience.org) (n'inglés d'Estaos Xuníos). Consultao'l 24 de febreru de 2023.

Enllaces esternos

Sappho

[1] Flecha, Ramon; Saso, Carmen Elboj; Torras-Gómez, Elisabeth; Joanpere, Mar (2022-07). «The time of dialogic sociology». International Sociology (en inglés) 37 (4): 457-474. ISSN 0268-5809. doi:10.1177/02685809221111890. Consultao'l 24 de febreru de 2023.

[2] Evidence and hoaxes by themes – Scientific evidence platform Archiváu 2023-02-24 en Wayback Machine (socialimpactscience.org) (n'inglés d'Estaos Xuníos). Consultao'l 24 de febreru de 2023.

[1]

[2]