Sean Maher
Sean Maher (16 d'abril de 1975, Pleasantville) ye un actor d'Estaos Xuníos, famosu pol so papel como Simon Tam na serie de ciencia ficción pa la televisión Firefly.
Sean Maher | |
|---|---|
 | |
| Vida | |
| Nacimientu | Pleasantville, 16 d'abril de 1975 (49 años) |
| Nacionalidá |
 Estaos Xuníos |
| Llingua materna | inglés |
| Fíos/es | 2 |
| Estudios | |
| Estudios | Tisch School of the Arts |
| Llingües falaes | inglés |
| Oficiu | actor, guionista, actor de televisión, actor de cine, actor de voz |
| IMDb | nm0536883 |
 | |
Primeros años
editarEn graduándose na Byram Hills High School, Maher estudió na Universidá de Nueva York, onde consiguió'l so títulu n'interpretación en 1997. Actuó en delles obres de teatru, incluyendo Yerma y Into the Woods[1].
Carrera
editarMaher tamién fixo de protagonista, un oficial de policía novatu, na serie de televisión Ryan Caulfield: Year One, de curtia duración. Nel añu 2000 foi unu de los protagonistes de la serie de Fox The $treet, y tamién actuó nes serie de televisión Party of Five (como Adam Matthews) y en CSI: Miami.
Retomó'l so papel de la serie Firefly na película Serenity (2005). Tamién tuvo nel repartu de la serie Halley's Comet, como médicu xefe nun hospital. Actuó na película The Dive From Clausen's Pier (2005) nel papel del nuevu interés amorosu de Michelle Trachtenberg. Tamién actuó como Brian Piccolo nel remake de Brian's Song de 2001. En 2006 fixo'l papel del noviu de John Stamos na película pa la televisión Wedding Wars.
En tomándose una curtia posa como actor, Maher volvió a la televisión en 2009 como actor convidáu nel episodiu pilotu de Drop Dead Diva de Lifetime Television, siguíu en 2010 por apaiciones na segunda temporada de The Mentalist (CBS), la primer temporada de Human Target (FOX) y la segunda temporada de Warehouse 13 (en Syfy).
En 2011 consiguió un papel na serie de televisión The Playboy Club. Ellí fai'l papel de Sean, un gai en l'armariu, que ta casáu nun matrimoniu de conveniencia con una Playboy Bunny lesbiana tamién nel armariu.
Vida personal
editarMaher ye gai y vive cola so pareya, Paul, col qu'adoptó una neña y un neñu - Sophia Rose y Liam.[2] Decidió faer pública la so preferencia sexual en 2011, emplegando'l so papel como gai nel armariu na serie The Playboy Club como plataforma.[3][4]
Referencies
editar- ↑ «Sean Maher biography» (inglés). SeanMaher.info. Consultáu'l 27 de setiembre de 2011.
- ↑ «‘Playboy Club’ actor comes out"». The Daily Caller (16 de setiembre de 2011). Consultáu'l 27 de setiembre de 2011.
- ↑ Tanner Stransky. «'Playboy Club' star Sean Maher opens up about his sexuality: 'This is my coming out ball'» (inglés). EW.com. Consultáu'l 27 de setiembre de 2011.
- ↑ Laurence Watts. «Interview: Sean Maher on coming out in Hollywood» (inglés). Pink News. Consultáu'l 4 d'ochobre de 2011.
Enllaces esternos
editar
Wikimedia Commons acueye conteníu multimedia sobre Sean Maher.
- Sean Maher na Internet Movie Database (n'inglés)
Datos: Q1334788- Multimedia: Sean Maher
