Segunda República de Corea del Sur

	estáu desapaecíu
Himnu nacional	Himnu Nacional de la República de Corea;
Alministración
Capital	Seúl
Forma de gobiernu	presidencialismu
Xeografía
Coordenaes	37°35′N 127°00′E / 37.58°N 127°E
Superficie	99720 km²
Demografía
Población	25 012 000 hab. (1960)
Densidá	250,82 hab/km²
Economía
Moneda	Hwan surcoreano (es)

La Segunda República de Corea del Sur (hangul: 제2공화국, hanja: 第二共和國, romanización revisada: Jei Gonghwaguk, McCune-Reischauer: Chei Konghwaguk)^? foi'l gobiernu de Corea del Sur mientres ocho meses, dende 1960 hasta 1961. Asocedió a la Primer República, pero foi asocedida por un gobiernu militar sol mandu del Conseyu Supremu pa la Reconstrucción Nacional.

Establecimientu

El gobiernu de la Primer República foi derrocáu por protestes xeneralizaes, conocíes como la Revolución d'abril, n'abril de 1960. Dempués de la so cayida, el poder foi teníu de volao por una alministración interina sol mandu de Heo Jeong.^[1] Unes nueves eleiciones parllamentaries fueron llevaes a cabu'l 29 de xunetu de 1960. El Partíu Democráticu, que tuviera na oposición mientres la Primer República, fácilmente ganó'l poder y la Segunda República foi establecida. La constitución revisada dictó a la Segunda República tomar la forma d'un sistema de gabinete parllamentariu al estilu de la Cuarta República francesa, onde'l presidente solamente tomó un papel nominal. Esta foi la primer y única vegada en que'l gobiernu de Corea del Sur tomó la forma d'un sistema de gabinete en cuenta de un sistema presidencialista. Yun Bo-seon foi electu como Presidente'l 13 d'agostu de 1960. El Primer Ministru y Xefe d'Estáu foi Chang Myon.

Política

Proclamación de la Segunda República de Corea, dende la derecha: Chang Myon (Primer Ministru), Yun Bo-seon (Presidente de la República), Paik Nak-jun (Presidente de la Cámara de Conseyeros) y Kwak Sang-hoon (Presidente de la Cámara de Diputaos)

La Segunda República vio la proliferación de la acitividad política, que fuera reprimida pol anterior réxime de la Primer República de Syngman Rhee. Muncha d'esta actividá foi responsabilidá de grupos izquierdistes y estudiantiles, que fungieron como preseos clave nel derrocamientu de la Primer República. Esta actividá creció rápido mientres los últimos meses de 1960.^[2]^[3]^[1] Alredor de 2000 concentraciones fueron llevaes a cabu mientres los ocho meses que duró la Segunda República.^[2]^[4]

So la presión del izquierdismo, el gobiernu de Chang llevó a cabu una serie de depuraciones de personal del exércitu y la policía pa espulsar a los miembros qu'habíen estáu arreyaos n'actividaes anti-democrátiques y actos de corrupción. Una llei especial pa llograr tal efeutu foi emitida'l 31 d'ochobre de 1960.^[5] 40 000 persones fueron puestes so investigación, d'éstes, más de 2200 oficiales gubernamentales y 4,000 oficiales de policía fueron depuraos.^[5] Amás, el gobiernu consideró amenorgar el tamañu del exércitu en 100,000, anque esti plan nunca se llevó a cabu.^[6]

Economía

Tamién en términos económicos, el gobiernu tuvo qu'enfrentar cola creciente inestabilidá. El gobiernu formuló un plan económicu de cinco años, anque ésti foi incapaz de ponelo en funcionamiento antes de ser derrocáu.^[4]^[7] La Segunda República vio la depreciación del hwan en más de la metá del so valor frente al dólar, ente la seronda de 1960 y primavera de 1961.^[4] El desemplegu y los precios al per mayor tamién sufrieron un aumentu mientres esti periodu.

Referencies

↑ ^1,0 ^1,1 Yonhap, 2004, p. 270.
↑ ^2,0 ^2,1 Yang, 1999, p. 196.
↑ Nahm, 1996, páxs. 410-412.
↑ ^4,0 ^4,1 ^4,2 Nahm, 1996, páxs. 412.
↑ ^5,0 ^5,1 Nahm, 1996, páxs. 411.
↑ Nahm, loc. cit.
↑ Yonhap, 2004, páxs. 270-271.

Bibliografía

Cumings, Bruce (1997). Korea's place in the sun. New York: W.W. Norton. ISBN 0-393-31681-5.
Lee, Ki-baek, tr. by Y.W. Wagner & Y.J. Shultz (1984). A new history of Korea (rev. ed.). Seoul: Ilchogak. ISBN 89-337-0204-0.
Nahm, Andrew C. (1996). Korea: A history of the Korean people (2nd ed.). Seoul: Hollym. ISBN 1-56591-070-2.
Yang, Sung Chul (1999). The North and South Korean political systems: A comparative analysis (rev. ed.). Seoul: Hollym. ISBN 1-56591-105-9.
Yonhap News Agency (2004). Korea Annual 2004. Seoul: Author. ISBN 89-7433-070-9.

[FOOTNOTEYonhap2004{{{c}}}270-1] 1,0 ^1,1 Yonhap, 2004, p. 270.

[FOOTNOTEYang1999{{{c}}}196-2] 2,0 ^2,1 Yang, 1999, p. 196.

[FOOTNOTENahm1996{{{c}}}410-412-3] Nahm, 1996, páxs. 410-412.

[FOOTNOTENahm1996{{{c}}}412-4] 4,0 ^4,1 ^4,2 Nahm, 1996, páxs. 412.

[FOOTNOTENahm1996{{{c}}}411-5] 5,0 ^5,1 Nahm, 1996, páxs. 411.

[6] Nahm, loc. cit.

[FOOTNOTEYonhap2004{{{c}}}270-271-7] Yonhap, 2004, páxs. 270-271.

[1]

[2]

[3]

[4]

[5]

[6]

[7]