Selmana Santa de Villaviciosa
La Selmana Santa de Villaviciosa ye una de les principales celebraciones culturales y relixoses y turístiques del conceyu asturianu de Villaviciosa. Tien los sos oríxenes nel sieglu XVII, concretamente nel añu 1668, siendo una de les celebraciones de Selmana Santa mas antigües d'Asturies. Amás, ta considerada una Fiesta d'Interés Turísticu del Principáu d'Asturies.
| Selmana Santa de Villaviciosa | |
|---|---|
| Información xeneral | |
| Tipu |
Semana Santa en una región geográfica (es)  |
 | |
En 1668, dos flaires dominicos d'Uviéu fundan en Villaviciosa la Cofradería del Santu Nome de Jesús Nazarenu para entamar los actos de la Selmana Santa na capital maliayesa. Esta Cofradería entama les celebraciones relixoses dende entós y cuenta anguaño con 1800 cofrades.
Trátense d'unos actos bien solemnes y sobries, qu'acueyen a munches persones tantu del conceyu como d'Asturies. Les sos procesiones asocédense ente'l Domingu de Ramos hasta'l Domingu de Pascua. En total hai siete procesiones, siendo les más importantes les del Miércoles y Vienres Santu, que percuerren el cascu antiguu de Villaviciosa. En 2006 inauguróse na villa'l Muséu de la Selmana Santa, nel que tán espuestes les principales imáxenes que percuerren na Selmana Santa de Villaviciosa.
Cofradería
editar
En Villaviciosa atópase namás la Cofradería del Santu Nome de Jesús Nazarenu. Data de 1668, cuando los flaires dominicos uvieínos Luis de Llano y Sebastián de Romero. En 1696 yá hai constancia de procesiones na villa. Adulces fuéronse añadiendo nueves imáxenes de cultu que procesionaban les cais maliayeses. Mientres la Guerra Civil, la cofradería perdió numberoses imáxenes, anque nos años 40 incorporáronse otres nueves.[1]
Actos y procesiones
editar| Día | Actu/Procesión |
|---|---|
| Domingo de Ramos | Bendición de ramos y procesión |
| Llunes Santu | |
| Martes Santu | Procesión del Silenciu |
| Miércoles Santu | Procesión del Alcuentru |
| Xueves Santu | Procesión del Calvariu |
| Vienres Santu | El Desenclavo y procesión del Santu Alcuentru |
| Sábadu Santu | Procesión de la Soledá |
| Domingo de Pascua | Procesión del Resucitáu con María |
Referencies
editar- ↑ «Historia | Semana Santa de Villaviciosa». semanasantadevillaviciosa.com. Consultáu'l 2022-04-09.
Datos: Q111544384
