Serguéi Belov
Serguéi Aleksándrovich Belov (rusu: Серге́й Алекса́ндрович Бело́в; 23 de xineru de 1944, Q16017074 
– 3 d'ochobre de 2013, Perm)[3] foi un xugador y entrenador de baloncestu de la XRSS.
Considérase-y como unu de los meyores xugadores europeos de baloncestu de tolos tiempos, y foi'l primer xugador non norteamericanu incluyíu nel Basketball Hall of Fame d'Indiana. A nivel internacional tien un palmarés únicu, con 15 medayes en competiciones internacionales cola Xunión Soviética y trés como entrenador con Rusia.
Participó en cuatro Xuegos Olímpicos cola selección de la URSS. Ente les sos participaciones ta la famosa final de 1972 onde la URSS ganó na final a los Estaos Xuníos dempués de los postreros segundos más revesosos de la historia del baloncestu internacional (51-50). Los norteamericanos ganaben por un puntu dempués de dos tiros llibres consiguíos (49-50), pero sonara la serena de la mesa antes del segundu tiru (tiempu muertu pidíu pol bancu soviéticu), pero nun se llegó a conceder antes del tiru llibre, creando un discutiniu sobre cuantos segundos quedaben pal final del partíu. Nun principiu, la mesa considera que quedaben 3 segundos, se descuentan dos segundos y llégase al pitíu final ensin canasta soviética. Una nueva considerancia de la mesa, con intervención del Secretariu Xeneral de la FIBA William Jones, fai que se vuelva a poner los trés segundos que quedaben primeramente y concédase la posesión con saque de banda al equipu soviéticu per tercer vegada. Los soviéticos faen un pase llargu del so llau del campu a la otra canasta onde los dos defensores del pivot Aleksandr Belov, Kevin Joyce y Jim Forbes, cayen desequilibraos y Belov consigue faer una canasta fácil ante los sorprendíos güeyos de los norteamericanos. A pesar de les munches protestes americanes, la resultancia consideróse válidu.
Amás d'esa medaya d'oru, Sergei Belov ganó cola seleición soviética otres tres medayes de bronce nos Xuegos Olímpicos de 1968, 1976 y 1980. Nestos postreros, celebraos en Moscú, foi amás unu de los portadores de l'antorcha olímpica.
Foi tamién dos veces campeón del mundu, en 1967 y 1974, y cuatro veces Campeón d'Europa.
Col so club el CSKA de Moscú, el club del Exércitu soviéticu, foi dos veces campeón de la Copa d'Europa (antecesora de la Eurolliga) en 1969 y 1971 y finalista n'otros dos, en 1970 y 1973. D'esos cuatro finales nes que participó, foi nomáu meyor xugador del partíu en trés.
Foi presidente de la Federación Rusa de Baloncestu ente 1993 y 1998.
Tien el récor de medayes en mundiales, xunto colos brasilanos Amaury Pasos, Ubiratan Pereira Maciel y Wlamir Marques, los yugoslavos Krešimir Ćosić y Dražen Dalipagić, con cuatro medayes cada unu.
Tamién tien el récor de medayes en Eurobasket, xunto col yugoslavu Krešimir Ćosić y l'español Pau Gasol, con 7 medayes.
Serguéi Belov finó'l 3 d'ochobre de 2013[3] por causa de una llarga enfermedá.
Clubes
editarComo xugador
- 1964-67 Uralmash (Sverdlovsk)
- 1968-80 CSKA Moscú
Como entrenador
- Ural Great Perm
Palmarés
editarClubes
editar- Copa d'Europa de Campeones de Lliga (Antecesora d'Eurolliga): 1969, 1971
- Finalista Copa d'Europa de Campeones de Lliga: 1970, 1973
- 11 vegaes campeón de la lliga de la URSS: de 1969 a 1974, y de 1976 a 1980
- Medaya d'oru na Espartaquiada en 1971, 1975, y 1979
Distinciones individuales
editar- Nomáu meyor Xugador de les finales de la Copa d'Europa en 1970, 1971, 1973
- Incluyíu nel Hall of Fame del Baloncestu d'Indiana (primer non norteamericanu)
- Miembru del FIBA Hall of Fame (2007)
Referencies
editar- ↑ 1,0 1,1 Afirmao en: Internet Movie Database. Identificador IMDb: nm0069471. Data de consulta: 16 ochobre 2015. Llingua de la obra o nome: inglés.
- ↑ Identificador CONOR.SI: 326245219. Afirmao en: CONOR.SI.
- ↑ 3,0 3,1 «baloncestu/756880.shtml Muerre'l rusu Serguéi Belov, lleenda del baloncestu editorial=RTVE» (3 d'ochobre de 2013). Consultáu'l 3 d'ochobre de 2013.
Enllaces esternos
editar
Datos: Q435891
Multimedia: Sergei Belov
