Sistema métricu decimal
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El sistema métricu decimal o simplemente sistema métricu ye un sistema d'unidaes basáu nel metru, nel que los múltiplos y submúltiplos d'una unidá de midida tán rellacionaos ente sigo por múltiplos o submúltiplos de 10.
| Sistema métricu decimal | |
|---|---|
| sistema d'unidaes | |
 | |
 |
Foi implantáu pola 1ª Conferencia Xeneral de Pesos y Midíes (París, 1889), pretendiendo con elli buscar un sistema únicu pa tol mundu pa facilitar l'intercambiu, yá qu'hasta entós cada país, y inda cada rexón, tenía'l so propiu sistema, davezu coles mesmes denomaciones pa les magnitúes, pero con distintu valor.
- Como unidá de midida de llonxitú adoptóse'l metru, definíu como la diezmillonésima parte del cuadrante del meridianu terrestre, y del que se reproduxo'l patrón nuna barra de platín iridiao. L'orixinal depositóse en París y fízose una copia pa caún de los venti países firmantes del alcuerdu.
- Como midida de capacidá adoptóse'l llitru, equivalente al decímetru cúbicu.
- Como midida de masa adoptóse'l quilogramu, masa d'un llitru d'agua puro.
Amás adoptáronse múltiplos (deca, 10; hecto, 100; kilo, 1.000; y miria, 10.000) y submúltiplos (deci, 0,1; centi, 0,01; y mili, 0,001) y un sistema de notaciones pa emplegalos.
Actualmente sustituyóse pol Sistema Internacional d'Unidaes (SI), al que s'anexonaron munchos de los países que nun adoptaran nel so día'l Sistema Métricu Decimal.
Otros sistemes
editar- Sistema Internacional d'Unidaes
- Sistema Ceguesimal o cgs (de centímetru, gramu, segundu)
- Sistema Téunicu d'Unidaes o mks (de metru, quilogramu, segundu)
- Sistema Anglosaxón d'Unidaes
- Sistema Xaponés d'Unidaes
Referencies
editarEnllaces esternos
editar
Wikimedia Commons tien conteníu multimedia tocante a Sistema métricu decimal.
Datos: Q232405- Multimedia: International System of Units
