Sitios d'arte rupestre de Kondoa

Sitios d'arte rupestre de Kondoa
Patrimoniu de la Humanidá — UNESCO
	Arte rupestre en Kondoa.
Llugar	Tanzania
Criterios	Cultural: iii, vi
Referencia	1183rev
Inscripción	2006 (XXX Sesión)
Área	África

Los sitios d'arte rupestre de Kondoa o pintures rupestres de Kondoa Irangi ye un conxuntu d'antigües pintures en muries de covarones asitiaes nel centru de Tanzania. La rexón de Kondoa declaróse Patrimoniu de la Humanidá de la Unesco nel añu 2006 pola so impresionante coleición de pintures.^[1] Estos sitios fueron declaraos monumentu nacional en 1937 pol Departamentu d'Antigüedaes de Tanzania.^[2] Les pintures allúgense aproximao 9 km al este de l'autopista T5 de Dodoma a Babati, a unos 20 km al norte del pueblu de Kondoa, nel distritu del mesmu nome de la rexón de Dodoma. Les llendes del sitiu tán marcaos por postes de formigón.^[3] El sitio ta rexistráu nel llistáu de Sitios históricos nacionales de Tanzania^[4]

El paisaxe d'esta zona carauterízase por grandes roques de granitu apilaes que formen el cantu occidental de la estepa masái y formen abellugos predresos de llombu a los vientos predominantes.^[5] Estos abellugos predresos suelen tener superficies planes por cuenta de l'actividá del rift, y nestes superficies ye onde s'atopen les pintures, protexíes de les inclemencies del tiempu.

Estes pintures entá son parte d'una tradición viva usada pol pueblu pueblu Sandawe nes sos ceremonies de sanamientu simbó, y polos masái en pitances rituales.^[3]^[6]^[2] La importancia y l'usu persistentes de los abellugos predresos y el so arte suxeren qu'hubo una continuidá cultural ente los diversos grupos étnicos y llingüísticos de persones que moraron na área a lo llargo del tiempu.^[3]

Alredor de 1970, los homes sandawe entá facíen pintures rupestres. Ten Raa preguntó les razones pa facelo. Clasificó estes razones como máxiques (que representen l'animal que'l pintor pretendía matar), casuales y de sacrificiu (en llombes d'espíritos de cles específiques y que representen ceremonies curatibles y de producción d'agua).^[7]

Les pintures representen persones allargaes, animales y escenes de caza. Les pintures más antigües de la "tradición naturalista" son xeneralmente coloraes y tán acomuñaes de cazadores-pañadores, non yá en Kondoa sinón tamién nes rexones de Singida, Mara, Arusha y Manyara de Tanzania. Les pintures de la "tradición naturalista" se superponen davezu con un estilu "blancu tardíu" más recién, que de cutiu representa ganáu, que s'atribuyó a los llabradores bantús y créese que ye posterior a la espansión bantú na área. Les pintures "blancu y bermeyu" atribuyéronse a pastores cusíticos y nilóticos.^[2]^[6] Sacante les pintures que la so creación ta rexistrada en tiempos recién, nun hai evidencia directa de fecha. Bwasiri y Smith señalen que les ceremonies de producción d'agua de los sandawe son d'orixe bantú, derivaes d'una llarga historia de contactu cultural colos bantús y otros pueblos, y suxeren procuru al utilizar evidencia etnográfica recién pa interpretar la historia del arte.^[6]

El covarón de Kisese II, na zona de Kondoa, tien arte de la "tradición naturalista" nes parés y evidencies d'ocupación nos pisos que daten de más de 40.000 años.

L'ex-presidente de Sudáfrica, Nelson Mandela, dixo d'estos sitios: "L'arte rupestre d'África ye patrimoniu común de tolos africanos, pero ye más qu'eso. Ye patrimoniu común de la humanidá."^[1]

Referencies

↑ ^1,0 ^1,1 Coulson, David; Borona, Gloria K. (2013) Rock Art of Kondoa Irangi and Other Attractions. ISBN 978-9966-7453-4-7.
↑ ^2,0 ^2,1 ^2,2 Netherlands National Commission for UNESCO (2004). World Heritage Papers 13, páx. 82–83.
↑ ^3,0 ^3,1 ^3,2 UNESCO.org
↑ «Antiquities Sites». Consultáu'l 21 de xunetu de 2022.
↑ Nash, T. A. M. (1929). «Note on the Discovery of Some Rock-Paintings Near Kondoa Irangi in Tanganyika Territory». The Journal of the Royal Anthropological Institute of Great Britain and Ireland 59: páxs. 199–206. doi:10.2307/2843565. ISSN 0307-3114.
↑ ^6,0 ^6,1 ^6,2 «The rock art of Kondoa District, Tanzania». Azania: Archaeological Research in Africa 50 (4): páxs. 437–459. 2015-10-02. doi:10.1080/0067270X.2015.1120436. ISSN 0067-270X. https://doi.org/10.1080/0067270X.2015.1120436.
↑ Ten Raa, E. 1974. "A record of some pre-historic and some recent Sandawe rock paintings. Tanzania Notes and Records 75: 9–27." Como s'indica na páxina 451 del «The rock art of Kondoa District, Tanzania». Azania: Archaeological Research in Africa 50 (4): páxs. 437–459. 2015-10-02. doi:10.1080/0067270X.2015.1120436. ISSN 0067-270X. https://doi.org/10.1080/0067270X.2015.1120436.

Enllaces esternos

UNESCO - Sitiu d'Arte Rupestre de Kondoa
TARA - Trust for African Rock-Art,(n'inglés).

[:5-1] 1,0 ^1,1 Coulson, David; Borona, Gloria K. (2013) Rock Art of Kondoa Irangi and Other Attractions. ISBN 978-9966-7453-4-7.

[:0-2] 2,0 ^2,1 ^2,2 Netherlands National Commission for UNESCO (2004). World Heritage Papers 13, páx. 82–83.

[:3-3] 3,0 ^3,1 ^3,2 UNESCO.org

[4] «Antiquities Sites». Consultáu'l 21 de xunetu de 2022.

[:4-5] Nash, T. A. M. (1929). «Note on the Discovery of Some Rock-Paintings Near Kondoa Irangi in Tanganyika Territory». The Journal of the Royal Anthropological Institute of Great Britain and Ireland 59: páxs. 199–206. doi:10.2307/2843565. ISSN 0307-3114.

[Bwasiri_437–459-6] 6,0 ^6,1 ^6,2 «The rock art of Kondoa District, Tanzania». Azania: Archaeological Research in Africa 50 (4): páxs. 437–459. 2015-10-02. doi:10.1080/0067270X.2015.1120436. ISSN 0067-270X. https://doi.org/10.1080/0067270X.2015.1120436.

[7] Ten Raa, E. 1974. "A record of some pre-historic and some recent Sandawe rock paintings. Tanzania Notes and Records 75: 9–27." Como s'indica na páxina 451 del «The rock art of Kondoa District, Tanzania». Azania: Archaeological Research in Africa 50 (4): páxs. 437–459. 2015-10-02. doi:10.1080/0067270X.2015.1120436. ISSN 0067-270X. https://doi.org/10.1080/0067270X.2015.1120436.

[1]

[2]

[3]

[4]

[5]

[6]

[7]