Abrir el menú principal

Sonic the Hedgehog (personaxe)

(Redirixío dende Sonic the Hedgehog)

Sonic the Hedgehog (ソニック・ザ・ヘッジホッグ Sonikku za Hejjihoggu?, lit. Sonic el corcuspín) ye un personaxe de videoxuegos y la mascota creada por y pa SEGA. Ye'l personaxe principal de la saga col so mesmu nome; tamién ta presente en cómics, dibuxos animaos y llibros. El primer videoxuegu d'esta franquicia creóse en 1991, pa competir colos videoxuegos de la mascota de Nintendo: Mario, trocando a Alex Kidd. Sonic ye un corpuspín azul de 16 años, 1 metru y 35 kilogramos (según la versión xaponesa de Sonic X) que tien l'habilidá de correr a la velocidá'l soníu, una carauterística que s'amuesa na mayoría de los sos xuegos siendo, amás, la so seña d'identidá.

Sonic the Hedgehog (personaxe)
Personaxe de Super Smash Bros., Sonic el Erizo Traducir, Wreck-It Ralph Traducir, Shadow the Hedgehog, Sonic Battle, Sonic the Hedgehog CD Traducir, Sonic Forces, Sonic Advance 2, Sonic the Hedgehog Traducir, Sonic Mania y Sonic Heroes Traducir
WW Chicago 2011 - Sonic the Hedgehog (8168360292).jpg
Creador/a/es Yūji Naka Traducir, Naoto Ōshima Traducir, Hirokazu Yasuhara, Yuji Uekawa, Sega y DiC Entertainment Traducir
Información
Sexu masculín
[editar datos en Wikidata]

El grupu internu de desendolcu de SEGA AM8 fixo la mayoría de los bocetos del personaxe, ente los que tuvo un armadillu (dempués apaecería Mighty), un señor gordu (que dempués sedría la base del rival de Sonic, el Dr Eggman) y un coneyu. La opción que s'escoyó definitivamente foi un corpuspín, diseñáu por Naoto Ohshima, que sedría llamáu 'Sonic'.

AM8 entamó'l desendolcu del xuegu y pasó a llamase dende entós hasta anguaño como Sonic Team (Ello ye que sacante AM2, tolos grupos AM# de Sega terminaron camudando los sos nomes).

El diseñu varióse llixeramente col pasu'l tiempu, magar qu'en términos xenerales siempres foi'l mesmu. Los cambeos de diseñu más destacaos que sufrió'l personaxe produxéronse primero, más llevemente, col llanzamientu de "Sonic the Hedgehog 2" camudando la cadarma de la cabeza y los escayos que sero desfadríense y volveríen al modelu antiguu, y segundu, más destacáu, col llanzamientu de "Sonic Adventure" en 1998 coles oxetivu de consiguir una imaxe corporativa nueva de SEGA más moderna, optando escoyendo trazaos más dinámicos y flexibles, diseños más estilizados, y otorgándo-y iris verde a los güeyos (qu'hasta entós, dende la so creación, yeren negros dafechu qu'a la fin foron los güeyos verdes dafechu). Esti cambéu estéticu tamién se produxó en Tails, Amy, Knuckles, Dr.Eggman, Metal Sonic, y práuticamente tolos personaxes nuevos siguieron esa mesma llinia.

Según dellos cómics, Sonic yera nun principiu marrón. Pero al algamar la velocidá del soníu (gracies a les zapatielles que-y dio'l Dr. Eggman) vuélvese azul. Dizse que SEGA quixo da-y el mesmu color azul que les lletres del logotipu de la empresa. Sonic ye'l personaxe de videoxuegos con más sonadía y conocencia a nivel mundial, xunto con Mario

PersonalidáEditar

Sonic, na mayoría de los videoxuegos, presenta una personalidá aventurera, decidida, confiáu de sigo mesmu y daqué egocéntricu y presumíu, pero magar d'eso siempres ayuda a cualesquier ser que s'alcuentre en problemes. La so comida favorita según dellos manuales y espectáculos de TV son los perrinos calecíos, anque tamién los xelaos y la comida puxarra polo xeneral. En delles ocasiones nótase qu'esfruta de burllase de los sos enemigos y delles vegaes de los sos propios amigos, nun lo fai con mala intención. El so meyor amigu ye Tails, a quien conoció nos acontecimientos de Sonic the Hedgehog 2. El so principal rival considérase Shadow, pero Metal Sonic (una copia robótica del corpuspín creáu pol doctor Robotnik) ye tamién ún d'estos. El so principal propósitu ye parar los planes del Doctor Eggman, magar ser un héroe ye relaxáu, présta-y faer coses peligroses por diversión, y el so pasatiempu favoritu ye correr.