Sooreh Hera
Sooreh Hera (1973, Teḥrán) ye una artista y fotógrafa iranín.[2] "Sooreh Hera" ye un pseudónimu que la mesma artista escoyó pa ella mesma.[3] El trabayu de Hera, ufiertando de cutiu representaciones de Mahoma, foi consideráu como muestra de llibertá d'espresión pa delles persones y como ofensivu pa otres.[3] Mora nos Países Baxos.[4]
Sooreh Hera | |
|---|---|
| Vida | |
| Nacimientu | Teḥrán, 1973 (50/51 años) |
| Nacionalidá |
 Irán [1] Reinu de los Países Baxos |
| Estudios | |
| Estudios |
Vrije Academie voor Beeldende Kunsten (en)  |
| Oficiu | fotógrafa, videuartista |
| soorehhera.com | |
 | |
Educación y amenaces
editarHera nació en Teḥrán.[4] Ye una llicenciada de la Escuela de Belles Artes de Hague.[5]
N'avientu de 2007, el Partíu Democráticu Islámicu "emitió una declaración que pidía un mobilización de fuercies."[6] Amás, foi llomada de "artista del diañu" con "planes contra'l Islam."[6] Esto condució a amenaces de muerte contra Hera, polo que decidió colase y escondese.[6] Tamién tien una fetua emitida contra ella.[6]
Trabayu
editarHera describe'l so trabayu como la esposición de la hipocresía nes enseñances d'Islam sobre temes como la homosexualidá.[3] Siente que ye importante falar sobre la sexualidá pa criticar la relixón.[4] Hera declara que "en países como Irán o Arabia Saudita ye común pa los homes casaos pa caltener rellaciones con otros homes."[7] Diz que "espero que'l mio trabayu llevante alderique."[3] Unu de los sos trabayos censuraos, "Adam y Ewald," yera una fotografía d'homes gais que lleven máscara que representen a Mahoma y al so xenru, Ali.[8] "Adam y Ewald" ye parte d'una serie llamada Adam & Ewald, de zevendedagsgeliefden (Adam & Ewald, Los Amantes del Séptimu Día).[9] El títulu de la serie fai referencia a la hestoria d'Adán y Eva, y tamién a un discursu d'un políticu holandés cristianu conservador.[10]
Dalgunos museo qu'intentaron amosar la obra de Hera recibieron amenaces por quien atopen ofensivu'l so trabayu.[6] En payares de 2007, l'Hague Gemeentemuseum retiró dalgunos de los trabayos creaos por Hera pa evitar disgustar a la comunidá musulmana.[6] La censura del so arte marcó "la primer vegada qu'un muséu holandés, n'oposición a un ente gubernamental, censuró una obra d'arte de les sos propies parés." El direutor del muséu tamién acusó a Hera de crear deliberadamente arte provocatible pa recibir atención mediática.[11] A pesar d'aquello, el muséu inda consideró adquirir la so serie completa.[12] Hera escoyó nun participar na exhibición si dalgunos de los sos trabayos taben censuraos.[13] Los artistes de los Países Baxos sofitaron a Hera, publicando una carta abierta al Ministru holandés de Cultura nel NRC Handelsblad.[14] El trabayu de Hera foi convidáu a ser espuestu nel Muséu Municipal de Gouda, anque l'espectáculu foi aplazáu por cuenta de les amenaces de la comunidá musulmana de Gouda.[14]
Referencies
editarCites
editar- ↑ RKDartists: 362395. URL de la referencia: https://rkd.nl/nl/explore/artists/362395. Data de consulta: 9 setiembre 2021.
- ↑ (en Dutch) Respectloos!. 1 d'avientu de 2007. http://soorehhera.com/nrccs.html. Consultáu'l 5 de mayu de 2016.
- ↑ 3,0 3,1 3,2 3,3 «Iranian Artist Fights to Have Muhammad Art Displayed in Dutch Museums». Fox News. 3 de mayu de 2008. http://www.foxnews.com/story/2008/05/03/iranian-artist-fights-to-have-muhammad-art-displayed-in-dutch-museums.html. Consultáu'l 5 de mayu de 2016.
- ↑ 4,0 4,1 4,2 «Soore» (dutch). Consultáu'l 5 de mayu de 2016.
- ↑ Golding, 2014, p. 18.
- ↑ 6,0 6,1 6,2 6,3 6,4 6,5 Esman, Abigail (18 d'avientu de 2007). «No Gay Gods?». Consultáu'l 5 de mayu de 2016.
- ↑ Woman Artist Gets Death Threats Over Gay Muslim Photos. 6 de xineru de 2008. http://search.ebscohost.com/login.aspx?direct=true&db=nfh&AN=7EH1808136858&site=ehost-live. Consultáu'l 5 de mayu de 2016.
- ↑ Esman, 2010, p. 190.
- ↑ Meijer-van Mensch, 2013, p. 48.
- ↑ Meijer-van Mensch, 2013, p. 48-49.
- ↑ (n'alemán) Streit um Homo-Mohammed. 12 d'avientu de 2007. http://www.art-magazin.de/szene/6968-rtkl-sooreh-hera-zensurdebatte-streit-um-homo-mohammed. Consultáu'l 5 de mayu de 2016.
- ↑ Hague Museum Pulls Offensive Muslim Art. 3 d'avientu de 2007. http://www.theage.com.au/news/World/Hague-museum-pulls-offensive-Muslim-art/2007/12/03/1196530582874.html. Consultáu'l 5 de mayu de 2016.
- ↑ Esman, 2010, p. 236.
- ↑ 14,0 14,1 Meijer-van Mensch, 2013, p. 50.
Fuentes
editar- Esman, Abigail R. (2010). Praeger: Radical State: How Jihad is Winning Over Democracy in the West. ISBN 9780313348471.
- Golding, Viv (2014). Cambridge Scholars Publishing: Museums and Truths. ISBN 9781443854498.
- Meijer-van Mensch, Leontine (2013). Routledge: New Directions in Museum Ethics. ISBN 9780415522878.
Enllaces esternos
editar
Datos: Q3018657
