Reinu de los Países Baxos
El Reinu de los Países Baxos (en neerlandés: Het Koninkrijk der Nederlanden, pronunciáu /ˈkoːnɪŋkrɛiɡ dɛr ˈneːdərlɑndə(n)/; en papiamentu, Reino Hulandes), comúnmente denomáu Países Baxos, ye un Estáu soberanu trescontinental del que la so forma de gobiernu ye la monarquía constitucional.
Les cuatro partes del Reinu —Aruba, Curaçao, Sint Maarten y los Países Baxos— son países constituyentes (landen en neerlandés). Na práutica, sicasí, la mayoría de los asuntos del Estáu alminístralos Países Baxos[1] —que representa'l 98 % de la superficie y población del reinu—. Los territorios d'Aruba, Curaçao y Sint Maarten son dependientes de los Países Baxos n'estayes como los asuntos esteriores y la defensa, anque son autónomos en ciertu grau, colos sos propios parllamentos.
La gran mayoría de la superficie de los Países Baxos —como país constituyente del Reinu— allúgase n'Europa, quitante'l Caribe Neerlandés: trés conceyos especiales (Bonaire, Saba y San Eustaquio) asitiaos nel Caribe. Aruba, Curaçao y Sint Maarten tamién s'alluguen nel Caribe.
ReferenciesEditar
- ↑ EXPLANATORY MEMORANDUM to the Charter for the Kingdom of the Netherlands. New York, 30 March 1955 (* Ministerie van Buitenlandse Zaken, 41, Suriname en de Nederlandse Antillen in de Verenigde Naties III, Staatsdrukkerij-en uitgeversbedrijf/ 's Gravenhage, 1956)