Stéfano Casiraghi
Stéfano Casiraghi (8 de setiembre de 1960, Como – 3 d'ochobre de 1990, Montecarlu) foi un empresariu italianu, casáu dende 1983 y hasta la so muerte cola princesa Carolina de Mónaco, fía primoxénita del príncipe Raniero III y de Grace de Mónaco.
Stéfano Casiraghi | |
|---|---|
 | |
| Vida | |
| Nacimientu | Como, 8 de setiembre de 1960[1] |
| Nacionalidá |
 Italia |
| Muerte | Montecarlu, 3 d'ochobre de 1990[1] (30 años) |
| Causa de la muerte | afogamientu |
| Familia | |
| Casáu con | Carolina de Mónacu (1983, 1983 – 1990)[2] |
| Fíos/es | |
| Estudios | |
| Llingües falaes | italianu |
| Oficiu | |
| Oficiu | empresariu, socialite |
|
| |
| IMDb | nm2058843 |
 | |
Biografía editar
Fíu de Giancarlo Casiraghi y Fernanda Biffi, Stéfano Casiraghi, convertíu nun empresariu multimillonariu, conoció a Carolina de Mónaco en 1982 al traviés d'unos amigos de mancomún. Casiraghi yera trés años menor que la princesa Carolina de Mónaco.
Empezaron una rellación. Coincidieren en dalguna ocasión y unos amigos comunes xuntáron-yos un branu. Empezaron a quedar y pa despistar a la prensa Carolina siguía quedando col so gran amigu Robertino Rossellini. Pasaron los meses y ella quedó embarazada. El 29 d'avientu de 1983 contraxeron matrimoniu civil nel Palaciu del Príncipe de Mónaco. La rellación con Casiraghi traxo estabilidá emocional a la princesa Carolina y un periodu de sele felicidá familiar; la cual foi una gran alegria pal príncipe Raniero III, quien entá guardaba llutu pola muerte de la so esposa, la princesa Grace de Mónaco.
El 8 de xunu de 1984, nació'l so primer fíu, Andrea Casiraghi. El 3 d'agostu de 1986, nació la so segunda fía, Carlota Casiraghi, de notable paecíu cola so madre. Y el 5 de setiembre de 1987, foi padre, por tercera y última vegada, de Pierre Casiraghi, de notable paecíu col so padre.
Casiraghi foi criticáu pola prensa amarillista pola so forma casual de vistise, la so bonable espontaneidá y simplez personal.
Stéfano Casiraghi, amás d'empresariu, yera deportista d'altu riesgu en competiciones Off-Shore d'embarcaciones d'alta velocidá, afición que nun yera compartida del tou pola so esposa.
Stefano Casiraghi morrió'l 3 d'ochobre de 1990 n'agües de Montecarlu a bordu de la so embarcación Pinot di Pinot, cuando participaba nel mundial de off-shore. Una fola inusitada provocó un entorno violentu de la so embarcación. Patrice Innocenti, el so copilotu, sobrevivió al accidente; pero Stéfano morrió a los pocos minutos del incidente. La noticia devastadora llegó a la princesa Carolina cuando esta asistía a un salón de guapura, y guardó llutu por casi seis años. Asina mesmu foi una gran perda pa Rainero yá que consideraba a Stefano una persona al altor de la so fía Carolina.
Referencies editar
- ↑ 1,0 1,1 Afirmao en: The Peerage. Identificador de persona en The Peerage: p11527.htm#i115262. Apaez como: Stefano Casiraghi. Data de consulta: 9 ochobre 2017. Autor: Darryl Lundy. Llingua de la obra o nome: inglés.
- ↑ Identificador de persona en The Peerage: p11527.htm#i115262. Data de consulta: 7 agostu 2020.
- ↑ 3,0 3,1 Afirmao en: The Peerage. Llingua de la obra o nome: inglés. Autor: Darryl Lundy.
Enllaces esternos editar
Datos: Q956239
Multimedia: Stefano Casiraghi
