Sumeria

(Redirixío dende Sumer)

Sumeria[1][2] (Shumer, Sumer, Shinar) ye una rexón al sur de l'antigua Mesopotamia, ente la boca de los ríos Éufrates y Tigris. Los sumerios tan consideraos como la primer y más antigua civilización del mundu. La so procedencia ye incierta y esisten numberoses hipótesis, anque les teoríes más series proponen el so orixe autóctonu con influencies esternes, probatiblemente procedentes del oeste de la India.

Sumeria
(de sieglu XLV edC a sieglu XIX edC)
Cultura arqueolóxica
Alministración
Xeografía
Coordenaes 32°N 46°E / 32°N 46°E / 32; 46
Cambiar los datos en Wikidata

Protohistoria editar

Al menos nun fueron los primeros pobladores de la fastera puesto que yá nel Neolíticu llocalícense nel Norte de Mesopotamia les cultures de Jarmo (6.700 - 6.500 e.C.), Hassuna (5.800 - 5.500 e.C.) y Samarra (5.600 - 5.000 e.C.) y nel Sur, El Obeid (5.000 - 3.750 e.C.),Uruk (3.750 - 3.150) y Jemdet Nasr (3.150 - 2.900).

Identifíquense rasgos suficientes yá n'El Obeid que cristalicen n'Uruk como pa considerar a ésti como l'entamu de la civilización sumeria. Uruk, la bíblica Erek y anguaño Warka, ye l' escenariu de descubrimientos fundamentales pa la historia de la humanidá: apaez la rueda pel 3.500 e.C. y la escritura nel 3.300 e.C. que ye la datación mas antigua de tablilles d'arcilla con escritura cuneiforme encontraes hasta la fecha.

Son estos rexistros escritos los que confirmen que los sumerios nun yeren un pueblu indoeuropéu nin semita. Asina lo demuestra la so llingua de tipu aglutinante.

Referencies editar

  1. Esti términu apaez nel Diccionariu de l'Academia de la Llingua Asturiana. Ver: sumeriu, -a, -o
  2. Esti topónimu apaez na traducción al asturianu de los Mapes de l'Associació Bíblica de Catalunya
    Esta fonte emplégase como referencia dende'l puntu de vista llingüísticu.