Tania Borealis
Tania Borealis (λ Ursae Majoris / λ UMa / 33 UMa) ye una estrella na constelación del sietestrellu de magnitú aparente +3,45. El so nome provién tantu del árabe como del llatín. La pallabra Tania («segundu») provién del árabe y fai referencia al «segundu saltu», yá que pa los antiguos árabes, les estrelles que nós acomuñamos coles pates de la osa yeren les buelgues de gaceles saltando. La pallabra Borealis, proveniente del llatín, alude a la so condición d'estrella del norte, pa estremala de Tania Australis (μ Ursae Majoris), asitiada al sur. Tamién recibe'l nome, menos utilizáu, de Alkafzah Borealis.
Coordenaes: 
10h 17m 5.779s, 42° 54′ 51.89″
Asitiada a 134 años lluz del Sistema Solar, Tania Borealis ta clasificada como una subxigante blanca de tipu espectral A2IV,[8] anque en realidá puede ser una estrella de la secuencia principal yá vieya, d'unos 480 millones d'años d'edá.[9] Con una temperatura efectivo 8930 K, el so radiu ye 3,2 vegaes mayor que'l radiu solar. La so lluminosidá ye 59 vegaes mayor que la del Sol.
Al igual qu'otres estrelles asemeyaes —vease Vega (α Lyrae) o Fomalhaut (α Piscis Austrini)—, presenta un escesu de radiación nel infrarroxu, por cuenta de la esistencia d'un discu circumestelar. Coles mesmes, ye una estrella con llinies metáliques «leve», arriquecida en cinc y europiu pero deficiente en calciu.[9] Sicasí, estes carauterístiques nun son tan acusaes como por que la catalogue como estrella Am.
Referencies
editar- ↑ 1,0 1,1 1,2 1,3 Afirmao en: SIMBAD.
- ↑ 2,0 2,1 2,2 2,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ «Rotational velocities of A-type stars» (n'inglés). Astronomy and Astrophysics (2): páxs. 671–682. febreru 2007. doi:.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ «Compositional differences among the A-type stars. II. Spectrum synthesis up to v sin i = 110 km/s» (n'inglés). Astronomy and Astrophysics: páxs. 536–546. 1995.
- ↑ Richard O. Gray (avientu 1987). «The early A type stars: refined MK classification, confrontation with Stromgren photometry, and the effects of rotation». The Astrophysical Journal Supplement Series: páxs. 581. doi:.
- ↑ Tania Borealis (SIMBAD)
- ↑ 9,0 9,1 Tania Borealis (Stars, Jim Kaler)
Coordenaes: 10h 17m 5.779s, 42° 54′ 51.89″
Datos: Q1414755
