The Orange Box

The Orange Box
Desendolcador	Valve Corporation
Distribuidora	Valve Corporation
Motor	Source
Plataforma	Xbox 360, PlayStation 3 y Microsoft Windows
Publicación	10 ochobre 2007 (América del Norte); 19 ochobre 2007 (Europa); 25 ochobre 2007 (Australasia); 11 avientu 2007 (Europa, América del Norte); 20 avientu 2007 (Australasia); 10 ochobre 2007
Serie	Half-Life (es) , Portal (serie) (es) y Team Fortress
Xéneru	disparos en primer persona
Mou	multixugador y un xugador
Preséu d'entrada	tecláu, mur y mandu de videoxuegos
Clasificaciones
CERO	Maduro +17 (es)
ESRB	Maduro +17 (es)
PEGI	PEGI 16 (es) , PEGI 16 (es) y PEGI 16 (es)
USK	USK 18, USK 18 y USK 18
Más información
Páxina web oficial	orange.half-life2.com

The Orange Box, creáu por Valve, ye un paquete de videoxuegos que contién Half-Life 2, Half-Life 2: Episode One, Half-Life 2: Episode Two, Portal y Team Fortress 2. Foi llanzáu para PC, Xbox 360 y PlayStation 3.

La versión en Steam inclúi tres xuegos extra: Half-Life 2: Deathmatch, Half-Life 2: Lost Coast y Peggle Estreme.

Half-Life 2

Half-Life 2 ye la continuación del videoxuegu Half-Life. Anque sigue siendo similar al orixinal, Half-Life 2 introduz nuevos conceutos pa la serie, como ruempecabeces basaos na física y seiciones de vehículos. El xuegu toma llugar na ficticia Ciudá 17 y les árees circundantes, mientres el xugador asume'l papel del científicu Gordon Freeman. Freeman vese somorguiáu nuna redolada distópico nel que les remortines de los acontecimientos de Half-Life influyeron dafechu na sociedá humana, y vese obligáu a lluchar contra les probabilidaes cada vez más desfavorables pa poder sobrevivir. Na so llucha, xúnense-y dellos conocíos, ente ellos antiguos colegues de Black Mesa, ciudadanos primíos de City 17 y Vortigaunts, tolos cualos más tarde demuestren ser pervalibles aliaos. Half-Life 2 recibió critiques positives, incluyíos 35 premios al Xuegu del Añu, cuando se llanzó orixinalmente para Windows en 2004.^[1] A partir del 3 d'avientu de 2008, vendiéronse más de 6,5 millones de copies de Half-Life 2.^[2]

Half-Life 2: Episode One

Na primer espansión oficial de la segunda parte de Half-Life, la trama del xuegu ye una carrera contra'l tiempu por cuenta de la esplosión masiva d'una ciudadela. La pagina principal meyora col desenvolvimientu de los personaxes non xugadores aliaos, nesti casu, el de Alyx Vance..

Half-Life 2: Episode Two

Segunda espansión de Half-Life 2, la hestoria sigue al rematar la primer parte de la espansión de Half-Life 2. Nel xuegu amuésense grandes meyores, la principal: la de llibrar grandes batalles en redolaes abiertes y de gran tamañu.

Portal

Nesti xuegu hai que resolver una serie de puzzles por aciu l'usu de portales de teletransportación, porque vamos recibir una arma creadora de portales, con esta arma hai que crear puertes pa pasar d'un llugar escontra otru. Exemplu: si dispara un portal escontra la paré esquierda y otru a la derecha, vamos entrar pela esquierda y vamos salir pela derecha, y viceversa.

Team Fortress 2

Remortina de Team Fortress Classic, con un gayoleru diseñu gráficu y dosis d'humor.

Discutiniu avera del idioma

The Orange Box, nes sos versiones pa PlayStation 3 y Xbox 360 nun inclúi doblaxe nin traducción al español, que s'atopa na versión pa PC. Ante les crítiques Valve prometió un parche cola traducción, pero hasta agora nun hai nicios de que la incluyan en nenguna de los dos versiones. Sicasí con RGH en Xbox 360 unos usuarios d'una páxina de xuegos tresportaron la traducción de PC al xuegu y agora puede xugase dafechu n'español con RGH.^[3]

Referencies

↑ «Valve Corporation» (n'inglés). Wikipedia. 9 de marzu de 2018. https://en.wikipedia.org/w/index.php?title=Valve_Corporation&oldid=829534789. Consultáu'l 28 de marzu de 2018.
↑ Remo, Chris (n'inglés). Analysis: Valve's Lifetime Retail Sales For Half-Life, Counter-Strike Franchises. https://www.gamasutra.com/php-bin/news_index.php?story=21319. Consultáu'l 28 de marzu de 2018.
↑ «The orange box n'español». Consultáu'l 5 de febreru de 2016.

Enllaces esternos

[1] «Valve Corporation» (n'inglés). Wikipedia. 9 de marzu de 2018. https://en.wikipedia.org/w/index.php?title=Valve_Corporation&oldid=829534789. Consultáu'l 28 de marzu de 2018.

[2] Remo, Chris (n'inglés). Analysis: Valve's Lifetime Retail Sales For Half-Life, Counter-Strike Franchises. https://www.gamasutra.com/php-bin/news_index.php?story=21319. Consultáu'l 28 de marzu de 2018.

[The_orange_box_n'español-3] «The orange box n'español». Consultáu'l 5 de febreru de 2016.

[1]

[2]

[3]