Torre de la Quintana
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La Torre medieval de la Quintana, igual que la casona que forma parte del conxuntu, atópense la parroquia de Ciañu, nel conceyu asturianu de Llangréu (España).
| Torre de la Quintana | |
|---|---|
| Bien d'Interés Cultural | |
torre fortificada (es)  y monumentu | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Llangréu |
| Coordenaes | 43°17′19″N 5°40′17″W / 43.2886°N 5.6713°O |
  Torre de la Quintana Torre de la Quintana (Asturies) | |
| Arquiteutura | |
| Estilu | arquiteutura medieval |
| Patrimoniu | |
| BIC | RI-51-0009094[1] |
 | |
Descripción
editarTrátase d'una torre defensiva, de planta circular y tres altures más desván, esti últimu y la cubierta son resultáu del remocique fechu en 1540 pol Prior Solís.
Les reformes introducíes respeuto de la construcción orixinal del sieglu XIV (tres la concesión de la Carta Puebla en 1338 a Llangréu), y que les cites calculen alredor de 1540 paecen consistir na realización de la pasera de comunicación cola casa, l'apertura de los dos ventanos na planta segunda, el cambéu de cubierta y el posible aumentu de los murios.
Na actualidá la torre ta formada por un cilindru d'unos 9 metros de diámetru esterior y 12,75 metros d'altor, realizáu con murios de mampostería de 1,45 metros d'espesor, distribuyéndose l'interior en trés plantes.
La planta baxa ta incomunicada col primer nivel, esistiendo na so fachada una puerta d'entrada a esta dependencia que taba tapiada. A la planta primera éntrase pela pasera que la comunica cola casa. Nella esisten, amás de la puerta d'accesu con arcu de mediu puntu, cuatro saeteres. D'esta planta y a la derecha de la entrada naz una escalera perimétrica que la comunica cola planta segunda. Nesta planta cimera ábrense dos ventanes xeminaes, asitiaes en perpendicular a la exa de la pasera, nes sos bandes este y oeste, siendo una d'elles frutu d'una restauración relativamente recién. La cubierta tien forma cónica. Ata mediaos del sieglu XX, aínda esistíen restos de la muralla qu'arrodiaba'l llugar.
Anguaño ye sede de l'asociación Llangreanos nel Mundu.
Bibliografía
editar- El conteníu d'esti artículu amiesta material de la declaración de Bien d'Interés Cultural publicáu nel BOPA nu 90 el 20 d'abril de 1995 (testu), que s'alcuentra nel dominiu públicu arriendes a lo dispuesto nel artículu 13 de la Llei de Propiedá Inteleutual española.
Referencies
editar- ↑ «base de datos de monumentos de Wiki Loves Monuments» (13 payares 2017).
Enllaces esternos
editar
Wikimedia Commons acueye conteníu multimedia sobre Torre de la Quintana.
Datos: Q6150561- Multimedia: Tower of the Quintana (Ciaño)
