Ediciones Trabe

empresa editorial asturiana
(Redirixío dende Trabe)

Ediciones Trabe ye una empresa privada, fundada n'Uviéu en 1992 pol escritor Antón García, que se dedica esencialmente a la edición y comercialización de llibros n'asturianu. Tien abiertes coleiciones de narrativa, poesía, ensayu, investigación, cómic, arte, diccionarios, lliteratura infantil y xuvenil, didáctica, humor, etc., tanto orixinales escritos n'asturianu como traducciones dende les principales llingües de cultura.

Ediciones Trabe
editorial
Llocalización
Sede Uviéu
Historia
Fundación1992
Fundador Antón García
Sector
Industria editorial
obra audiovisual (es) Traducir
Web oficial
Cambiar los datos en Wikidata

Trabe ye una de les principales editores de lliteratura n'asturianu. Amás, fomenta la creación nesti idioma al traviés de la convocatoria del Premiu de Narraciones Trabe y del Premiu de lliteratura infantil y xuvenil Montesín, los dos de carácter bianual.

La empresa pasó a manes d'Inaciu Iglesias nel 2007, pero depués de cinco años, n'ochobre del 2012 Esther Prieto y Samuel Castro -hasta'l momentu trabayadores de la empresa- pasaron a ser los propietarios nuevos d'Ediciones Trabe.

Nel 2011, Trabe dio'l saltu a la producción audiovisual col estrenu en TPA del espaciu Dicires.

Referencies editar

Enllaces esternos editar